XA ESTÁ AQUÍ O NADAL!!

EDUARDO MENDOZA GAÑA O PREMIO CERVANTES 2016

Eduardo Mendoza é o gañador do Premio Cervantes 2016, o máximo galardón das letras españolas. O Nobel das letras en castelán seguiu, un ano máis, a tradición non escrita de alternar entre un escritor español e un latinoamericano. En 2015 recaeu no escritor mexicano Fernando do Paso. O Cervantes, creado en 1975 polo Ministerio de Cultura, recoñece a traxectoria dun escritor que co conxunto da súa obra contribuíse a enriquecer o legado literario hispano.

Mendoza (Barcelona, 1943) iniciou a súa carreira literaria en 1975, coa publicación de "A verdade sobre o caso Savolta", que recibiu o Premio da Crítica. Desde entón publicou 15 novelas, dous libros de relatos, dúas obras de teatro e catro ensaios. O xurado outorgoulle o premio "porque, coa publicación en 1975 da verdade sobre o caso Savolta, inaugura unha nova etapa da narrativa española na que se devolveu ao lector o goce polo relato e o interese pola historia que se conta, que mantivo ao longo da súa brillante carreira como novelista". Eduardo Mendoza, "no ronsel da mellor tradición cervantina, posúe unha lingua literaria chea de sutilezas e ironía, algo que o gran público e a crítica sempre souberon recoñecer, ademais da súa extraordinaria proxección internacional".

XOGAR A PENSAR NO VIRXE DA CELA

 Durante estes días (luns 28 e martes 29 de novembro)  o alumnado de 6 a 12 anos do CPI Plurilingüe Virxe dá Cela de Monfero preparouse para “Xogar a pensar”participando en diversos talleres de Filosofía para nenos e nenas, impartidos por un profesorado moi especial: os estudantes de primeiro curso do Grao en Educación Primaria da Universidade dá Coruña. Trátase dunha iniciativa enmarcada dentro dun Proxecto de Aprendizaxe-Servizo impulsado polo CPI Plurilingüe Virxe dá Cela e a Facultade de Ciencias da Educación da UDC, institucións que veñen colaborando xa en distintas experiencias nos últimos anos.

Este proxecto permite aos estudantes universitarios reforzar dun modo práctico as aprendizaxes e competencias desenvolvidas na súa titulación, á vez que realizan un servizo á comunidade educativa de Monfero e Irixoa. Desde o CPI Plurilingüe Virxe dá Cela colabórase activamente na realización dos múltiples talleres, co fin de iniciarse nunha metodoloxía, a filosofía para nenas e nenos, que en palabras de Helena Zapico, docente do departamento de Pedagoxía e Didáctica da UDC e coordinadora da actividade,  permite mellorar as habilidades de pensamento crítico, creativo e coidadoso dos nenos e nenas, a través da utilización de xogos, arte e narrativa.  

             

PRESENTACIÓN AO ALUMNADO DO PROXECTO DE EDUCACIÓN PARA O DESENVOLVEMENTO

O martes 29 de novembro tiveron lugar dous actos dentro do proxecto de Educación para o desenvolvemento e cidadanía global,que leva a cabo o noso centro xunto a UDC. 

•   De 15:30 a 15:45 no salón de usos múltiples presentouse ao alumnado de secundaria e 4º,5º e 6º de primaria dito proxecto por parte de membros da UDC 
•  De 15:45 a 16:30 Reunión co profesorado participante no proxecto para facer a proposta definitiva de actividades e calendario.

Materiais das VII Xornadas de Bibliotecas Escolares de Galicia

Están xa dispoñibles en RedeBE para todo o profesorado interesado os materiais das VII Xornadas de Bibliotecas Escolares de Galicia, celebradas en Compostela os pasados 18 e 19 de novembro.

RedeBE: VII Xornadas de Bibliotecas Escolares de Galicia (éntrase como convidado sen contrasinal)

CHEGOU O GRAN DÍA

O CPI Virxe da Cela segue apostando pola radio como unha ferramenta para mellorar as habilidades comunicativas do alumnado, incentivar a creatividade e aprender. Este é o primeiro conto do alumnado de 1º de primaria. O seu primeiro encontro co micro.

Preme na imaxe para escoitalo

http://www.ivoox.com/chegou-fin-o-gran-dia-audios-mp3_rf_13855831_1.html

ACTUACIÓN DE XOÁN CURIEL

O martes 8 de novembro veu ao noso centro Xoán Curiel co seu espectáculo “Estamos no verán”. 
Aquí podedes ver algunhas fotos do ben que o pasamos.

III XORNADAS DE EDUCACIÓN para o DESENVOLVEMENTO e A CIDADANIA GLOBAL

SAMAÍN 2016

Un ano máis, chega a primeira festa do curso, unha festa que nos atrapa a todos polo misterio e a fantasía que a acompañan:  O Samaín!!! 

E outro ano máis convocamos o Concurso de Portas do Samaín, un concurso no que como podemos ver deixastes voar de novo o voso maxín.

 Pero tamén sabemos que sodes uns artistas á hora de decorar as cabazas, e se o facedes en compañía da vosa familia, aínda ten un valor máis especial. Mirade que chulas!!!

 E mentras tanto, lembrade que tedes a vosa disposición todos os libros relacionados co medo na exposición da biblioteca, para que, aínda que pasedes algo de medo, leades moito!!!

    Ah!!!, e que non vos asustede o terrorífico espantallo entre o millo. 

Atreveste a entrar????

COMEZAMOS O APADRIÑAMENTO

Un curso máis os alumnos e alumnas de 5º e 6º de primaria comezaron co apadriñamento na biblioteca que, como no curso pasado, está a ter moito éxito. De novo os rapaces de primaria converteronse en "padriños lectores" dos máis pequerrechos do cole. A coordinadora da Biblioteca, carmen Espiñeira, deu o pistoletazo de saída das sesións deste curso.  

Aquí vos deixamos unhas imaxes do comezo da actividade, e seguiremos informando dende o noso blog.

VII DÍA DA CIENCIA EN GALEGO

Este ano, a bioloxía fala galego

Este curso no Campus de Lugo imos conmemorar o Día da Ciencia en Galego con este acto:

http://www.usc.es/campusterra/gl/divulgaterra

 

CINCO MINUTOS DE PAZ

Mamá Grande só quere uns minutos de tranquilidade na súa bañeira quente, espumosa e burbulleante. Pero Lester, Laura e o bebé teñen tanta enerxía e fan tanto balbordo como sempre. A paz dúralle moi pouco a Mamá Grande.

Coincidindo co 30º aniversario da súa publicación, KALANDRAKA recupera este álbum de Jill Murphy, co que moitos adultos poderán identificarse porque "Cinco minutos de paz" invoca un desexo practicamente  inalcanzable para quen ten nenos pequenos ao seu cargo: tratar de illarse do mundo por un instante sen que eles interrompan ese breve lapso de tempo coas súas inquedanzas, as súas imprevisibles ocorrencias e a súa espontaneidade. Destaca a elección de animais tan robustos como os elefantes para protagonizar un relato divertido e entrañable. Mamá Grande e os seus fillos son hábilmente humanizados con vestimentas cotiás e nunha contorna doméstica ao comezo da xornada. A expresividade dos personaxes reflicte un amplo abanico de sentimentos: desde a resignación, o malestar ou a paciencia da nai, ata o arrepentimento ou o inocente entusiasmo dos mozos paquidermos, que son pura enerxía. Porque Mamá Grande só quere uns minutos de paz e tranquilidade na súa bañeira quente, espumosa e burbulleante. Unha historia tan real como a vida mesma, contada con naturalidade, humor e afecto.

PODEDES ATOPALO NA NOSA BIBLIOTECA

TRADUTOR GAIO

O Gaio é un tradutor automático da Xunta de Galicia que te pode sacar dun apuro se precisas unha comprensión rápida de textos breves.

Preme na imaxe

http://tradutorgaio.xunta.gal/TradutorPublico/traducir/index

BIBLIOTECA ESCOLAR- TERRITORIO DAS ARTES

"Biblioteca escolar - Territorio das Artes" é o lema escollido para os materiais que a Consellería de Cultura, Educación e Ordenación Universitaria edita a comezo do curso 2016/2017  con destino ás bibliotecas escolares dos centros educativos galegos. Nesta ocasión foi MINIA REGOS a creadora convidada a interpretar o lema anual.

A imaxe creada por Minia Regos garda moitas sorpresas para as lectoras e os lectores; propón un xogo de exploración e aventura por este "territorio" complexo e engaiolante que é toda biblioteca escolar.  

Nos últimos anos, as bibliotecas escolares demostraron que é posible integrar as ciencias e as humanidades nas actividades de lectura e de acceso e construción do coñecemento. Os materiais de divulgación científica, os xogos matemáticos, a xeografía ou as aventuras da exploración física ou simbólica foron temática de traballo e son xa parte esencial das programacións e dos proxectos coordinados desde as bibliotecas. Cómpre agora facer visible esa parte do coñecemento humano que conecta directamente coa creatividade: as Artes todas teñen cabida na biblioteca escolar e así o demostran as múltiples actividades programadas anualmente con está temática. 

Biblioteca escolar, territorio das Artes convida a explorar fórmulas para espertar nos lectores e nas lectoras o interese por achegarse e apreciar os produtos artísticos, pero sobre todo  a experimentar o pracer de expresarse a través da música, a pintura, a arquitectura, a danza, o teatro, a literatura, a escultura, as artes visuais (cine, cómic, fotografía, videocreacións, videoxogos). 
Convidámosvos a descubrir o último vídeo de  AgustínFernández Paz para as Bibliotecas Escolares .

COMEZA O CURSO 2016/2017

O equipo da Biblioteca Escolar do

 CPI Plurilingüe Virxe da Cela  

deséxavos  a todos un bo curso 

cheo de lecturas.

imagixa un lugar...

... onde o teu barco atesoura

todos os teus coñecementos

e o horizonte ofréceche

todo o que poidas necesitar.

 "Imagixa un lugar" (Editorial Juventud)

Texto: Sarah L. Thomson

Ilustracións: Rob Gonsalves

Desde a Biblioteca Castelao, feliz volta ao cole

CONCESIÓN DO SELO "BIBIOTECA ESCOLAR SOLIDARIA" AO CPI VIRXE DA CELA

Con data 14 de xuño de 2015, a Dirección Xeral de Centros e Recursos Humanos publica a concesión do Selo "Biblioteca Escolar Solidaria" a seis centros educativos, trala valoración das candidaturas presentadas ao abeiro da resolución de 10 de decembro de 2015 da devandita dirección xeral, pola que se publicaba a convocatoria do programa Bibliotecas Escolares Solidarias que integra, entre outras, esta iniciativa e que se desenvolve en colaboración coa Dirección Xeral de Xuventude, Voluntariado e Participación, da Consellería de Política Social. 

     Reciben este selo os seguintes centros: CPI P. Virxe da Cela  de Monfero  (A Coruña), CEIP P. A Pedra de Bueu (Pontevedra),  CEIP Espedregada de Poio (Pontevedra),  IES de Poio (Pontevedra),  CEIP de Parada-Campañó (Pontevedra) e IES de Vilalonga de Sanxenxo (Pontevedra).

    Este selo é un distintivo de calidade en termos de traballo solidario e a favor da comunidade escolar e concédese a bibliotecas nas que se traballa de forma salientable e sistematizada a educación en valores e a compensación de desigualdades, e se fomenta o voluntariado cultural entre os integrantes da comunidade escolar.

http://www.edu.xunta.gal/portal/node/19260

CREANDO AUDICONTOS : A RATIÑA PRESUMIDA

Este curso algúns dos profesores do  noso centro estivemos a realizar un curso de formación sobre a utilización das novas tecnoloxías audiovisuais. Aprendemos o uso de distintos recursos e programas para utilizar como ferramentas educativas. E como veredes a continuación, algo aprendimos. Deixámosvos unha das nosas producións. Vede que chulo nos quedou o conto de "A ratiña presumida". Seguro que aos pequerrechos gustaralle moito!!!

              

ESPECIAL RADIOFÓNICO "40 ANOS VIVINDO A ESCOLA"

Compartimos neste espazo o interesantísimo especial radiofónico "40 anos vivindo a escola", gravado polo alumnado do CPI Virxe da Cela nas sesións de obradoiro de radio, e coas colaboracións de profesores, familias e personal non docente, tanto da actualidade como os que estiveron na nosa escola tempo atrás e xa pasaron a formar parte de estes 40 anos de traxectoria compartida. Queremos dar os parabés a Lucía Abarrategui y Sergio Pascual (Laboratorio Radiofónico) pola súa implicación no proxecto e a cantidade de horas de traballo invertidas.

ENTREGA DE PREMIOS AOS GAÑADORES DO PREGUNTÓN

Coincidindo cos actos de celebración dos maios realizouse a entrega de premios aos gañadores da Edición do preguntón deste ano. Parabéns a todos eles e elas. Aquí vos deixamos constancia do acto.

GAÑADORES DO PREGUNTÓN

Rematou a quinta edición do concurso "O Preguntón" e xa temos gañadoras, por segundo ano consecutivo e cun só erro nestas 5 semanas, acadan o primeiro posto "O grupo de Monfero". Noraboa a Verónica e Laura. Tamén felicitamos a Andrea, alba, Ángel e Sergio, que acadaron a mesma puntuación empatando no segundo posto.

O PREGUNTÓN. SEMANA 5, RESPOSTAS

O PREGUNTÓN. 5ª SEMANA.

40 ANOS VIVINDO A ESCOLA

40 anos vivindo a escola…. Canta boa xente pasou neste tempo polo colexio Virxe da Cela, o noso cole do Xestal. Xente dos concellos de Monfero, de Irixoa e mesmo de Andrade pasaron por el. Familias enteiras nas que as distintas xeracións  atoparon na nosa comunidade escolar  non só unha educación de calidade, uns mestres e mestras, profesores e profesoras entregados, un persoal amable e servicial senon tamén un lugar familiar onde compartimos experiencias, vivencias, valores…

Senón que volo diga a familia Grelinda, unha das tantas que pasaron polo noso cole. Aquí, no seguinte vídeo tedes a súa testemuña.  
Ah, e se queredes saber máis das moitas cousas e experincias vividas en todos estes anos, podedes achegarvos ao noso blog http://40anosvivindoaescola.blogspot.com.es/.

          

Dende o noso cole queremos dar as máis sinceras grazas a Ana Martínez, alumna de 4º ESo do CPI Conde de Fenosa de Ares, por crear para nós os personaxes da familia Grelinda.

 GRACIÑAS, ANA, ES TODA UNHA ARTISTA!!!!

MINI E MERO NO COLE DO XESTAL. LETRAS GALEGAS 2016

Onte tivemos o pracer de gozar coa a actuaciòn de Mini e Mero que visitaron o noso colexio co gallo das actividades organizadas polo Día das Letras Galegas. Unha estupenda xornada na que poidemos gozar e cantar con estes dous artistas da nosa terra. Logo de rematar a súa actuación adicaronnos unhas palabras na entrevista que os alumnos /as de primaria e ESO lle fixeron ao rematar. Grazas a todos eles.

Aquí podedes ver a entrevista

         

DÍA DAS LETRAS GALEGAS 2016: MANUEL MARÍA

   No ánimo de seguirmos ofrecendo ao longo de todo o curso todo tipo de ferramentas que permitan o traballo didáctico nas aulas arredor da obra de Manuel María, achegamos agora información de novos recursos que xa temos dispoñíbeis na nosa páxina web: www.casamuseomanuelmaria.gal. 

   Trátase, como todos os que xa fomos achegando nos últimos meses, de materiais de uso totalmente libre que compartimos na rede precisamente coa intención de que se aproveiten para o traballo complementario á lectura das obras do escritor ao que este ano se dedican as Letras Galegas. Estes novos recursos son un conxunto de escolmas poéticas elaboradas arredor dunha serie de elementos moi presentes no universo poético de Manuel María: as plantas, árbores e flores, as aves, os animais e o tempo; elementos todos presentes, dunha maneira ou doutra, en todos os libros que máis se axeitan ao traballo escolar. 

  Pódese acceder ás ditas escolmas poéticas a través da sección Recursos da nosa páxina web (columna da esquerda), clicando sobre a lapela Outros. A seguir aparecerá unha listaxe de arquivos en formato PDF entre os que figuran estes novos recursos. Algúns centros están a dirixirse a nós para solicitarnos fotografías de Manuel María das que poder facer libre uso e tamén imaxes dalgunhas das portadas das súas obras máis senlleiras. Tamén desde a nosa páxina web intentamos cubrir esa demanda: na sección Fotobiografía vimos de incorporar unha opción de descarga a carón de cada imaxe, o que permite mesmo a súa impresión nunha resolución moi aceptábel. Na sección de Outros, na categoría de Recursos, incorporamos en PDF as imaxes das portadas de todas as publicacións que vimos editando desde a Casa-Museo, incluindo algúns dos títulos máis emblemáticos de Manuel María. 

   Agardando que estas ferramentas redunden positivamente no traballo nas aulas arredor do escritor e da lectura da súa obra, quedamos á súa enteira disposición. Reciban un cordial saúdo. 

                                  

 Casa-Museo Manuel María. Outeiro de Rei da Terra Cha.

O PREGUNTÓN. 4ª SEMANA RESPOSTAS

O PREGUNTÓN. 4ª SEMANA

O PREGUNTÓN. 3ª SEMANA. RESPOSTAS

DÍA DO LIBRO NO VIRXE DA CELA: IV CENTENARIO DA MORTE DE CERVANTES

O 23 de abril, é unha data simbólica para a literatura universal  e este ano cúmprense 400 anos da morte do gran dramaturgo español Miguel de Cervantes Saavedra (1547-1616), autor da que se considera a primeira novela moderna e unha das mellores obras da literatura universal. Para os que non tivésedes a sorte de lela ou para os que simplemente queirades volver a gozala, aquí deixámosvos un link: Don Quijote de la Mancha.

Desde a Biblioteca Castelao unímonos a esta conmemoración e, aproveitando que estamos a celebrar o Día do Libro, alumnos/as e profes  realizaron unha lectura continuada dun dos capítulos. Podedes vela no seguinte vídeo.

         

O PREGUNTÓN. SEMANA 3

O PREGUNTÓN. 2ª SEMANA. RESPOSTAS.

O PREGUNTÓN. 2ª SEMANA.

O PREGUNTÓN. 1ª SEMANA. RESPOSTAS