Benvido ao blog da Biblioteca Castelao onde esperamos compartir contigo experiencias arredor da lectura.
21/12/19
CPI VIRXE DA CELA. FESTIVAL DE NADAL 2019
Hoxe , como tódolos anos celebramos o festival de Nadal. E como as veces é mellor unha imaxe que mil palabras, aquí vos deixamos as estupendas actuacións dos alumnos/as do noso cole.
Desde o CPI Plurilingüe Virxe da Cela deséxavos un Bo Nadal e unhas Felices vacacións.
13/12/19
XA ESTÁ AQUÍ O NADAL
Xa chegou o Nadal e con el a
revolución ao noso centro!!!.
Pouco a pouco irémosvos contando
todas as cosuiñas que estamos a realizar neste mes pero mentres... queremos desexarvos, con todo o agarimo da nosa
pequena gran familia, unhas moi
Felices Festas!!!
E como adianto deixámosvos esta imaxe da fermosa árbore que decoraron Marta ( a coordinadora da Bilio ) e os seus alumn@s.
RECURSOS DE NADAL
Se premedes nas imaxes podedes atopar un montón de recursos para traballar neste mes de Nadal
POSTAIS PARA PERSONALIZAR E ENVIAR
PANXOLIÑAS
LIM CELEBRAMOS O NADAL
O APALPADOR
http://coordinadoraendl.org/nadal/index.php?pax=pax5.phphttp://coordinadoraendl.org/nadal/index.php?pax=pax5.php
05/12/19
Recreos Residuos Cero
No CPI Virxe da Cela, neste curso 2019/20 estamos participando en Recreos Residuos Cero. Este é un programa que consiste en motivar ao alumnado para que nos seus xantares ou merendas non haxa residuo, ou polo menos, o mínimo posible. Para iso deberán usar envases retornables como fiambreiras para sólidos e cantimploras para a auga a fin de eliminar as botellas de plástico e os envases dun só uso como plásticos, papel de aluminio, etc.
04/12/19
EXPOSICIÓN BIBLIOGRÁFICA 25 N
O alumnado da ESO do CPI Virxe da Cela tomou a iniciativa de visibilizar e sensibilizar á comunidade educativa e a toda a sociedade en xeral realizando unha exposición de carteis creados por eles na que mostran, a través da imaxe, a súa visión sobre esta data.
A exposición, na que tamén se amosan algúns carteis creados polo alumnado do CPI As Mirandas de Ares, co cal colaboramos en diferentes datas, está exposta en ámbolos dous centros educativos.
23/11/19
CARREIRA SOLIDARIA NO CPI VIRXE DA CELA
Como en anos anteriores, o venres 22 de Novembro do 2019 (Venres)
celebramos no noso centro a Carreira Quilómetros
de Solidariedade para colaborar coa ONG
“Save the Children”, que este ano vai dedicada ás nenas/os do pobo Rohingya.
Pero este ano, a carreira
tivo un triple motivo de conmemoración. Tendo en conta que o 20 de Novembro foi
o día dos Dereitos dos Nen@s e o 25 de Novembro é o Día Internacional contra da
Violencia de Xénero, conmemoramos no mesmo acto estas dúas datas e os valores
que representan.
Así que a carreira (a diferencia doutros anos) foi unha carreira
de relevos por clases, encabezada primeiro por unha rapaza de cada un dos cursos
que, sentada nunha cadeira de cor vermella (símbolo dos millóns de nenos e nenas
que non teñen dereito á educación), recolle o relevo simbolizado por un facho de
cor morado (símbolo do Día contra a Violencia de Xénero), dando saída a todos
os nenos e nenas do seu curso.
Cada clase vestiu unha camiseta facilitada polo Concello, coa
lenda Monfero en Negro e o dorsal de “Save the Children”.
Ao remate da
carreira Clara e Lucía, alumnas de 4º ESO, leron un manifesto a favor dos
Dereitos dos Nen@s e en contra da Violencia de Xénero.
Como final do acto as profesoras de E.F deron aos nenos, nenas e
rapaces/as un agasallo e un diploma pola
súa participación.
Dende o noso cole queremos dar as grazas a toda a comunidade
educativa pola súa colaboración e solidariedade.
Porque un mundo mellor é posible....
CONSTRUÁMOLO ENTRE
TODOS!
DÍA INTERNACIONAL DOS DEREITOS DOS NEN@S. "MAHÁN E A CADEIRA VERMELLA". UN CONTO POLO DEREITO Á EDUCACIÓN UNIVERSAL.
Un grupiño de
alumnos/as de 2º, 3º e 4º da ESO axudaron a presentar esta campaña
reivindicando a escolarización universal para todos os nenos e nenas do mundo.
Así, realizaron diversas sesións de contacontos para o alumnado de infantil e
primaria. Nas sesións os rapaces da ESO narraron o conto “Mahán e a cadeira
vermella”, un conto creado polo alumnado do CPI Virxe da Cela de Monfero, e que
fala sobre o Dereito á Educación Universal. Logo como parte da dinámica,
realizaron o xogo de “ A cadeira vermella” así como un pasapalabra sobre o
conto. Ao remate da sesión todos os nenos e nenas foron agasallados cunha cadeiriña
vermella que levaron para súa clase como símbolo do Dereito á Educación de
todos os Nenos e Nenas do mundo (agradecemos a Alberto a súa implicación na
actividade facendo as cadeiriñas na impresora
3D).
Aquí podedes ver un vídeo da xornada.
Esta actividade está organizada polo EDLG, a Biblioteca Escolar e o Departamento de Reli. Queremos a través dela potenciar o uso da lingua
galega, tanto de maneira escrita como oral, e ofrecérmonos o lugar perfecto para
mergullarnos no mundo das historias.
22/11/19
25 DE NOVEMBRO, DÍA INTERNACIONAL CONTRA A VIOLENCIA DE XÉNERO
Parece que todos os días semellan iguais, máis este 25 de
novembro, Día Internacional contra a Violencia de Xénero, queremos dun xeito
especial, denunciar e levantar á nosa voz contra esta lacra. A violencia contra
as mulleres é unha das máis degradantes violacións dos Dereitos Humanos e
continúa progresando no ámbito global.
Algo estamos a construír mal nesta sociedade cando non somos
capaces de resolver os conflitos coa palabra. Vivimos nun mundo no que cada vez
se vai máis rápido e no que o individualismo e o poder é o que conta. Debemos
espertar as nosas conciencias ante as inxustizas e o sufrimento. Debemos
pararnos e sentir que cada morte, cada acto violento fainos a todos e a todas
vulnerables.
É por iso polo que debemos seguir insistindo en campañas de
prevención, informando e previndo desde todos os ámbitos da sociedade: desde a
familia, cunha educación en igualdade, desde os colexios, cunha coeducación
real, desde o traballo e desde os poderes políticos.
No noso centro, o CPI Virxe da Cela o alumnado de ESO tomou
a iniciativa de visibilizar e sensibilizar á comunidade educativa e a toda
a sociedade en xeral realizando unha exposición de carteis
creados por eles na que mostran, a través da imaxe, a súa
visión sobre esta data.
A exposición, na que tamén se amosan algúns carteis creados
polo alumnado do CPI As Mirandas de Ares, co cal colaboramos en diferentes
datas, está exposta en ámbolos dous centros.
Por último dicir que, a todos os
que formamos parte do CPI Virxe da Cela,
encantaríanos que moi pronto, o 25 de novembro, Día Internacional Contra a
Violencia de Xénero, non haxa nada que celebrar. Porque celebrar este día,
deste xeito, non é unha festa, é un toque de atención para que nos demos conta
e nos levantemos en defensa dos nosos dereitos e liberdades, porque as mulleres
somos iguais aos homes e nada nin ninguén debe someternos. Mentres tanto, desde
o noso colexio, seguiremos educándonos na igualdade e loitando pola dignidade
de todos e todas.
Finalizamos coas verbas
dunha excepcional muller, Clara Campoamor quen dixo:
“ACUSEI AS INXUSTIZAS PORQUE NON QUERO
QUE O MEU SILENCIO AS ABSOLVA”
A pesar das nosas diferenzas,
compartimos a mesma realidade e estamos unidos na loita para conseguir que o
mundo sexa un lugar mellor para todas e todos.
Porque queremos outro
mundo, e sabemos que é posible....
CONSTRUÁMOLO ENTRE TODOS!
(Podedes premer na imaxe para velos en grande).
Manifesto conxunto a favor dos dereitos dos nen@s e en contra da Violencia de Xénero
CARREIRA SOLIDARIA 2019
MANIFESTO NO DÍA INTERNACIONAL DOS DEREITOS DOS NENOS
E CONTRA A VIOLENCIA DE XÉNERO
Hoxe con
esta carreira solidaria queremos
conmemorar dúas datas significativas que cumpre lembrar: por unha banda
o Día Internacional dos Dereitos dos
Nenos e Nenas e por outro O
Día Internacional contra a Violencia de
Xénero. Por iso reunímonos aquí para alzar as nosas voces e
manifestar o noso compromiso concreto de traballar pola xustiza e a defensa dos
Dereitos de todos.
A pesar
de que todos os nenos e nenas temos os mesmos dereitos, somos conscientes de
que en moitas partes do mundo vense vulnerados e que os gobernos e a sociedade
en xeral non fan todos os esforzos necesarios para cambiar esta situación.
É unha
sorte ter unha familia que nos ama, recibir educación, estar rodeados de xente
en quen poder confiar e de amigos que nos axudan, ter asistencia médica, comida
e unha casa. Moitos outros nenos e nenas non poden dicir o mesmo. Por iso,
queremos dar as grazas a todos aqueles que se preocupan por nós e que nos
axudan para que os nosos dereitos sexan respectados.
Pero
queremos ir máis aló da nosa contorna máis próxima e manifestar de maneira
especial o noso firme rexeitamento a todas as situacións que viven millóns de
nenos e nenas cando se vulnera a súa condición humana. Rexeitamos especialmente
a guerra e as súas consecuencias, a explotación laboral e sexual, a marxinación
polas discapacidades físicas ou psíquicas, o tráfico de nenos e a súa morte, a mutilación e o tráfico de órganos, a
escravitude. Non aceptamos que os nenos e as nenas se instrúan na guerra e
maten, ou que se convertan en nenos soldados. Non aceptamos que se incite aos
nenos ao odio e á violencia. Unímonos a todos eses nenos e nenas anónimos que
pasaron por este mundo sen recibir amor nin protección.
Por iso,
pedimos que todos os países se comprometan, que acepten e cumpran os dereitos
dos nenos. Que as familias, os centros educativos, os gobernantes, as
institucións e a sociedade en xeral recoñezan que os nenos somos persoas con
dereitos e deberes, que nos deben respectar e coidar e que temos dereito a ser
nenos e a comportarnos así.
Nós,
esforzarémonos por respectar e axudar aos demais para solucionar os conflitos
mediante o diálogo, para coidar da natureza, para valorar a liberdade, para
facer feliz ao que temos á beira. En definitiva, comprometémonos a construír un
mundo mellor para todos e todas.
Por outra
banda, tamén queremos lembrar a todas as mulleres que sufriron violencia de
xénero e denunciar e condenar calquera tipo de acto violento exercido contra
elas, xa sexan malos tratos físicos, que deixan marca e doen, que humillan e
someten; abuso verbal e malos tratos psicolóxicos, que destrúen, anulan e
aniquilan a liberdade da muller; e os malos tratos sexuais, que denigran e afunden ás vítimas.
No noso
cole tentamos priorizar accións para a igualdade efectiva entre homes e
mulleres. Accións que, como no día de hoxe, poñen de manifesto que achegamos o
noso gran de area na loita contra esta lacra que fai á nosa sociedade débil ética
e moralmente.
A todos
os que formamos parte do CPI Virxe dá
Cela, encantaríanos que moi pronto, o día 25 de novembro, Día Internacional
Contra a Violencia de Xénero, non haxa nada que celebrar. Porque celebrar este
día deste xeito non é unha festa, é un toque de atención para que nos deamos
conta e nos levantemos en defensa dos nosos dereitos e liberdades, porque as
mulleres somos iguais aos homes e nada nin ninguén debe someternos. Mentres
tanto, desde o noso colexio, seguiremos educándonos na igualdade e loitando
pola dignidade das mulleres.
A pesar
das nosas diferenzas, compartimos a mesma realidade e estamos unidos na loita para conseguir que o
mundo sexa un lugar mellor para todos. Porque queremos outro mundo e sabemos
que é posible....
CONSTRUÁMOLO ENTRE TODOS!
09/11/19
Samaín na Biblioteca
Un ano máis celebramos o Samaín na Biblioteca Castelao. Decoramos a porta como unha mazmorra na que se encerran os tesouros literarios.
Tamén expuxemos as cabazas participantes no concurso. Os premios foron entregados no magosto.
21/10/19
CAMPAÑA #ODESEATE
Para celebrar o cuarto aniversario da adhesión de España á Axenda 2030 de Desarrollo Sostible das Nacións Unidas o Alto Comisionado para a Axenda 2030 acaba de lanzar a campaña dixital #ODSéate.
Esta campaña colaborativa desenvolverase do 16 ao 27 de setembro e pretende ser unha chamada de atención para que, tanto organizacións como a cidadanía, se movilicen difundindo e impulsando o cumprimento da Axenda 2030 e os 17 Obxectivos de Desenvolvemento Sostible (ODS). Estos obxectivos perseguen a igualdade de oportunidades entre persoas, a protección do planeta e a xeración de prosperidade nun mundo en paz que traballa en alianza para superar os retos aos que nos enfrontamos.
Desde o ámbito bibliotecario recoñécese a importancia dos Obxectivos da Axenda 2030. Tamén as bibliotecas escolares están comprometidas coa Axenda 2030, xa que traballan a prol dunha Educación de Calidade (Obxectivo 4), mais tamén para protexer y salvagardar o patrimonio cultural (Obxectivo 11.4). Ademais, a biblioteca, como espazo de compensación de desigualdades, proporciona un acceso igualitario á tecnoloxía da información e das comunicacións (Obxectivos 9c e 17.8)
15/10/19
24 OUTUBRO - 31 OUTUBRO: SEMANA MUNDIAL DA ALFABETIZACIÓN EN MEDIOS E INFORMACIÓN (AMI) A PROPOSTA DA UNESCO
A UNESCO propón a celebración da Semana Mundial AMI 2019
baixo o lema CIDADANÍA AMI: INFORMADA, COMPROMETIDA, EMPODERADA como un medio
para visibilizar as experiencias en materia de educación nas linguaxes dos
diferentes medios de comunicación, nun contexto de alfabetizacións múltiples e
coa intención de formar ao alumnado como consumidores pero, especialmente, como
produtores de información a través dos diversos medios de comunicación: prensa,
radio, televisión, vídeo, fotografía, audio, produtos transmedia,
internet...
Toda a cidadanía europea ten dereito á alfabetización. Os
estados membros da UE deben asegurar que os cidadáns de todas as idades,
independentemente da súa clase social, relixión, etnia ou sexo, conten cos
recursos e oportunidades necesarios para desenvolver un nivel de alfabetización
suficiente e sostible a fin de comprender e utilizar con eficacia a
comunicación escrita, tanto en medios impresos como dixitais. (Declaración
ELINET sobre Dereito á Alfabetización).
COMO CELEBRAR A SEMANA?
Recollemos da UNESCO algunhas propostas que poden resultar
interesantes:
- Celebrar un día da AMI no centro
- Organizar eventos relevantes ou actividades no centro educativo arredor dos medios de
- información e comunicación
- Usar as redes sociais para crear conciencia sobre AMI na comunidade educativa
- Tomar a palabra (crear contidos para os medios)
- Dar a coñecer publicacións e iniciativas sobre AMI
08/10/19
BIBLIOTECA ESCOLAR, VIVEIRO DE CIDADANÍA
O lema das bibliotecas para o presente curso 2019/2020 é "Biblioteca
escolar, viveiro de cidadanía". Nesta ocasión é o ilustrador Óscar Villán
quen interpreta o lema e nos ofrece unha imaxe múltiple e evocadora de diversas
situacións que unha biblioteca escolar pode facilitar.
Intervir na biblioteca escolar (nos seus espazos, nos seus
tempos, nos seus recursos e actividades) ten consecuencias para o alumnado e
para a comunidade educativa. Das características e dos enfoques desa
intervención dependen os usos e as oportunidades que a biblioteca pode ofrecer.
Cómpre unha reflexión sobre a distribución dos espazos, a organización dos
tempos, a selección dos recursos e, moi especialmente, sobre o enfoque das
actividades, co fin de que a biblioteca escolar poida facilitar o diálogo, a
lectura crítica, a reflexión, o acceso ao coñecemento, o pensamento, a
investigación, a experimentación, a creación, a comunicación, a adquisición de
competencias útiles para a vida e para a convivencia, para o desenvolvemento
académico e persoal, para unha participación activa nunha sociedade máis xusta
e igualitaria.
Nada disto é doado nin se consegue nun curso escolar. Cómpre
sementar, crear ese hábitat axeitado para que os pequenos e as pequenas, os
mozos e mozas vaian desenvolvendo a estima por si mesmos e polos recursos
naturais e culturais á súa disposición, aprendan a convivir cos outros,
adquiran paulatinamente os valores democráticos, o respecto polos Dereitos
Humanos e a Cultura de Paz imprescindible para unha convivencia xusta, pacífica
e enriquecedora para todos e todas.
A biblioteca escolar pode chegar a ser ese "viveiro de
cidadanía" no que medren en confianza as xeracións novas e poidamos forxar
esperanza fronte aos retos que o mundo actual nos presenta.
Subscribirse a:
Publicacións (Atom)