O luns 18 de marzo tivemos na Biblioteca Castelao unha visita que disfrutaron moito os nenos e nenas de Educación Infantil, 1º ciclo e 3º curso de Educación Primaria, foi o contacontos da editorial Kalandraka.
Os contos tradicionais, os relatos de autor e os clásicos
contemporáneos da Literatura Infantil e Xuvenil ocuparon o repertorio
da sesión. Os contos seleccionados foron a adaptación do conto tradicional “A galiña
roxa”, de Pilar Martínez e Marco Somà e o clásico “Críctor” de Tomi Ungerer;
Nesta ocasión, o conto “Os petos de Loreto”, de Quentin
Blake, foi o fío condutor da sesión, a partir do cal vanse fiando as demais
historias, que adquiren unha maior vistosidade ao utilizar elementos
decorativos relacionados cos libros. As melodías, compostas especialmente para
cada relato, interprétanse con instrumentos tradicionais e artiluxios musicais
procedentes doutras culturas; deste xeito contribúese tamén a reforzar a
educación musical do alumnado.
Ningún comentario:
Publicar un comentario