Obradoiro de libro-obxecto con Pablo Otero o 30 de abril

 

Lectura e familias: obradoiro de libro obxecto con Pablo Otero de bibliotecacpivirxedacela

Animalario Imaxinario

 O alumnado de 2º de EP estivo aprendendo sobre os animais e, baseándose no libro "El animalario universal del profesor Revillod" que temos na biblioteca,  imaxinaron as súas propias criaturas. Mesturaron e debuxaron troncos, cabezas e extremidades de diferentes texturas que foron recollendo usando a técnica do frottage dende a sola dos zapatos ata as cortizas das árbores. Velaí o resultado de anfibios acuáticos omnívoros e mamíferos terrestres ovovivíparos (entre outros!). Para animar as ilustracións usamos a páxina Animated Drawing.

Non podo debuxar

Editorial: BLUME NATURART, S.A.

Ano de edición: 2021

Materia: Arte. otras formas

ISBN: 978-84-18725-02-9

Páxinas: 160

Encadernación: Rústica

Colección: BLUME

No Museo do Prado atopamos esta publicación que nos achegou á ilustración de forma sinxela e sobre todo moi divertida. 

Con ela adquirimos confianza nas nosas capacidades e estimulamos a nosa creatividade.

Empezamos cos trazos máis sinxelos para irnos introducindo no debuxo das figuras humanas, expresións e movementos. 

Aquí tedes os resultados.

 Te animas? está no catálogo da nosa biblioteca?

Imaxes autoeditadas do proceso creativo.

FULIADA NA BIBLIOTECA CON RICHI CASÁS

 Xoves 3 de abril 2025, de 15:10 a 16:35. Biblioteca Castelao. O alumnado de 3º da ESO leva todo o curso 2024-2025 traballando nun proxecto centrado no asociacionismo e a música tradicional, establecendo comunicacións con diferentes asociacións e artistas. Unha das metas era traer a o centro a Richi Casás, mestre e músico moi comprometido coa recuperación e a transmisión do noso patrimonio inmaterial: a música e o legado das cantareiras. Non é casual que Richi sexa neto de Rosa e de Adolfina Casás, unhas das pandereiteiras/cantareiras homenaxeadas nas Letras Galegas 2025. Tendo como referencia o título do libro-disco de Richi, Fuliada na Vila (que mercamos este curso na biblioteca para promover as Letras Galegas e tamén como lectura no Club Lectura Larpacontos ESO), convertimos a biblioteca nun espazo musical e montamos a nosa propia "fuliada", sendo o alumnado de 2º e 3º da ESO protagonista coa interpretación de temas tan coñecidos como "O Caneco" ou agasallando ao propio Richi coa nosa propia versión da "Muiñeira Floreada".  Achegáronse pola biblioteca profesorado e alumnado de 1º e 4º da ESO para gozar desta sesión musical tan viva e convertíndonos nun eslabón máis da cadea que recolle a voz e a memoria dos nosos ancestros, axudando a conservar o noso patrimonio inmaterial. 

Pioneiras

Con motivo do Día da Muller, o 8 de marzo, o alumnado de 2º de EP, leu o libro de Pioneiras da Editorial Xerais. A partir dos textos fixeron os seus propios resumos das biografías de mulleres galegas que marcaron a historia e ilustraron bolsas de tea con códigos QR aos seus textos. Así de ben quedaron!

  

DESCUBRINDO A DOROTHÉ SCHUBARTH, AS CANTAREIRAS, A TRANSMISIÓN ORAL...

 

Reunión do club de lectura: infografía sobre as tecnoloxías.

 Ola! Os nenos e nenas que lemos "Wombo Combo" fixemos entre todos/as esta infografía sobre as tecnoloxías por se vos pode servir de axuda. Chegamos a unha conclusión: O problemas somos nós, non as máquinas. 

VANTAXES E DESVANTAXES DO USO DA TECNOLOXÍA de bibliotecacpivirxedacela

Creando novas personaxes para "As terapias da Doutora Ledicia".

 Nesta nova sesión do club de lectura "Mundo de letras" creamos novas personaxes para acudir á consulta da Doutora Ledicia: o tardo, a serea Maruxaina ou a Santa Compaña poderían ser facilmente doentes que acudiran a probar os seus remedios baseados na risa e no canto. Para coñecer novos mitos galegos utilizamos o "Dicionario dos seres míticos galegos" que tivemos que localizar nas estanterías para o que aproveitamos a facer unha sinxela formación de usuarias.