Benvido ao blog da Biblioteca Castelao onde esperamos compartir contigo experiencias arredor da lectura.
O pasado mércores 9 de outubro de 2024 un grupiño de alumnos/as da ESO, acompañados por un par de docentes, reuníronse na biblioteca escolar para dar inicio ao Club de Lectura Larpacontos. Nesta primeira xuntanza tivemos a oportunidade de facer presentacións, sobre todo das novas persoas que se incorporan ao club, e tamén compartir cales son as nosas expectativas. Tivemos tempo de falar de posibles temáticas para ir elixindo a primeira das nosas lecturas. O que poidemos comprobar é que ademais do gusto pola lectura, varios/as dos/as integrantes tamén adican o seu tempo de ocio á escritura é ao debuxo, polo tanto esperamos que tamén podamos sacar partido a estos talentos e potenciar a súa creatividade e formación a través de obradoiros que podan ir xurdindo ao longo do curso. conforma
A nosa idea é reunirnos quincenalmente os mércores na hora de lecer que hai despois do xantar (de 14:45 a 15:35).
Este ano festexamos o Samaín con 5 obradoiros simultáneos, nos que o alumnado de secundaria participou como monitores. Os obradoiros foron: creación de contos terroríficos, creación de máscaras, decoración de cabazas, elaboración de colares de castañas e un específico de inglés.
Un grupo de alumnos/as da ESO do CPI Plurilingüe Virxe da Cela, todos eles/as pertencentes ao Club de Lectura ao ao Club de Radio, visita o luns 30 de setembro de 2024 os estudos da emisora CUAC FM (A Coruña) para realizar a gravación dun programa radiofónico, grazas ao apoio da Fundación Ayuda en Acción que promoveu o pasado curso escolar 2023-2024 a creación du Club de Radio no noso centro.
O guión deste programa radiofónico foi elaborado polo propio alumnado participante, e ten como fío conductor a lectura, así que vos animamos a que escoitedes este programa no que estes mozos e mozas falan da súa experiencia no Club de Lectura, fan recomendacións de libros, amosan os seus experimentos creativos e literarios, etc.
Imaxe autoeditada dentro da actividade dos e das participantes e das educadoras de EuroEume.
Hoxe, o alumnado colaborador de 5º e 6º de Educación Primaria comezou coa iniciativa quincenal de empréstitos para a etapa de Infantil.
Hoxe, o alumnado colaborardor da biblioteca de 5º e 6º de Educación Primaria, repartiu as mochilas viaxeiras que con tanto cariño elaboraron.
A partir do día de mañá, todo o alumnado de EI e EP vai comezar a levar unha "mochila viaxeira" con diferente material educativo para promocionar a lectura.
A mochila viaxeira é unha actividade programada dende a Biblioteca Castelao do CPIP Virxe da Cela que tenta promover a lectura e ocio en familia.
A lectura prodúcenos sensacións e momentos de goce. Ábrenos vías de comunicación e nos conduce ao coñecemento. Proporciónanos experiencias novas para compartir cos demais. A familia é un bó lugar para experimentalo e dende a biblioteca ofrécemosvos a posibilidade de coñecer propostas e libros para ler e xogar.
A mochila permanecerá nas vosas casas unha semana, de martes a luns, días nos que podedes disfrutar dunha pequena selección de materiais.
Pedimos a vosa colaboración para que a actividade teña éxito. Desfrutade con ela dun tempo de ocio en familia, ao remate deixade debuxadas ou escritas as vosas impresións sobre a actividade e os materiais no Caderno de viaxe.
Cada semana será un alumno/a o encargado de levala para casa (irá os martes e terá que vir de volta os luns). No seu interior, vai un xogo de mesa, dous libros e un caderno de viaxe (onde o alumnado terá que debuxar o que máis lle gustou e as familias poderán escribir comentarios ou suxerencias). A mochila non se enviará nas vacacións (nadal, entroido e semana santa).
Velaquí tedes o momento das entregas:
