RADIO NA BIBLIO

A Consellería de Cultura, Educación, Formación Profesional e Universidades continúa no seu Plan LÍA  de Bibliotecas Escolares co desenvolvemento de novos ámbitos de actuación para este período, contemplando o reforzo dos programas que inciden na Alfabetización mediática e informacional do alumnado como Radio na biblio con propostas que promovan o coñecemento e un uso responsable da información en múltiples formatos. 

Tras seis convocatorias do programa “Radio na biblio” este é o primeiro ano que o CPI Virxe da Cela se presenta a este programa, buscando ampliar as linguaxes presentes na biblioteca, promover a expresión oral, a alfabetización múltiple e o traballo colaborativo de profesorado e alumnado. A utilización da radio como ferramenta didáctica non é algo novo no noso centro, xa que desde fai anos dispoñemos do equipamento necesario e de formacións en radio tanto para o alumnado como para o profesorado. Mais este ano darémoslle un novo impulso a través da biblioteca, estimular o desenvolvemento do modelo de biblioteca cara “centros creativos de aprendizaxes”.

Durante o presente curso 2023-2024 son varios os docentes que están a levar ao seu grupo a aula de Ferraganchos, onde temos instalado o laboratorio de radio. Lucía García Blanco, mestra de 4º EP e coordinadora do programa "Radio na Biblio" no noso centro educativo, está a elaborar xunto co seu alumnado un podcast radiofónico centrado nos refráns e a tradición oral. 

PRESENTACIÓN DO PROXECTO SCHOOL TO SCHOOL DA FUNDACIÓN VICENTE FERRER

 Luns 29 de xaneiro de 2024. Alumnado de 4º EP, con Cristina Cillero (mestra inglés).

MOCHILAS VIAXEIRAS

A partir do día de hoxe, o alumnado de algúns cursos de EI e EP vai comezar a levar unha "mochila viaxeira" con diferente material educativo para promocionar a lectura.  

A mochila viaxeira é unha actividade programada dende a Biblioteca Castelao do CPIP Virxe da Cela que tenta promover a lectura e ocio en familia.

A lectura prodúcenos sensacións e momentos de goce. Ábrenos vías de comunicación e nos conduce ao coñecemento. Proporciónanos experiencias novas para compartir cos demais. A familia é un bó lugar para experimentalo e dende a biblioteca ofrécemosvos a posibilidade de coñecer propostas e libros para ler e xogar.

A mochila permanecerá nas vosas casas unha semana, de martes a luns, días nos que podedes disfrutar dunha pequena selección de materiais.

Pedimos a vosa colaboración para que a actividade teña éxito. Desfrutade con ela dun tempo de ocio en familia, ao remate deixade debuxadas ou escritas as vosas impresións sobre a actividade e os materiais no Caderno de viaxe.

Cada semana será un alumno/a o encargado de levala para casa (irá os martes e terá que vir de volta os luns). No seu interior, vai un xogo de mesa, unha película, dous libros e un caderno de viaxe (onde o alumnado terá que debuxar o que máis lle gustou e as familias poderán escribir comentarios ou suxerencias). A mochila non se enviará nas vacacións (entroido e semana santa).

Velaquí temos ao alumnado que ignaugura esta iniciativa desfrutando das súas mochilas:

APADRIÑAMENTOS LECTORES

Fermoso acto oficial de apadriñamento lectores dos nenos e nenas de educación infanti, que, acompañados polas súas mestras, acudiron á biblioteca escolar o pasado venres 26 de xaneiro 2024 ás 12:00. O alumnado de 4º EP realizaron un acto simbólico, cantando e recitando unha cantiga baseada en onomatopeias, e representando os animais a través de caretas. Despois desta canción os nenos e nenas de 4º EI comezaron a coñecer aos seus padriños e padriñas,  un paso que seguirá levándose a cabo durante toda a vindeira semana. Esperamos poder velos próximamente a todos e todas gozando de lecturas compartidas, unha das accións claves do voluntariado de primaria na biblioteca. 

ENTROIDO 2024

Co gallo da celebración do Entroido o departamento de artes plásticas  en colaboración ca biblioteca realizou unha exposición de carautas na entrada á mesma. 

O alumnado partiu dunha carauta de cartón branca e a decoraron con distintas técnicas: pintura, collage…. A temática foi aberta pero trátase dun exercicio de creatividade e por iso tiveron prohibido copiar máscaras xa existentes, teñen que usar a carauta en branco como un soporte no que plasmar unha imaxe. Tamén inventaron monstros e moitas composicións de cores. 

 

VOLUNTARIADO NA BIBLIOTECA

 Outro xeito de dárlle vida á nosa Biblioteca é a través do voluntariado do noso alumnado. Estes estánse a converter nos futuros bibliotecarios!

Na primeira sesión de voluntariado, traballamos a revisión do etiquedado da sección infantil. Aprenderon que todos os libros deben de ter un código de barras para que facilite á súa identificación e estiveron revisando que todos aqueles libros que pasaran polas nosas mans os tiveran. Ademais, aprenderon a devolver e a emprestar libros.

A LIX FRONTE AOS NOVOS FORMATOS DE LECTURA

A asociación GÁLIX organiza as xornadas "Desfacendo a raia XII", A LIX fronte aos novos formatos de lectura. Contarase coa presenza de profesionais do mundo do libro, da ilustración, da crítica literaria e da edición, como Manuel Bragado, Cristina Rubal, Luz Beloso, Víctor Rivas, Tensi Gesteira ou Isabel Mociño.

Biblioteca dixital da RAE

 A RAE acaba de estrear a súa biblioteca dixital. O premio a moitas horas de traballo de dixitalización dos seus exemplares.

Nesta biblioteca teremos acceso a preto de 5000 obras que poderemos consultar a través de Internet: dende literatura, pasando por ciencias, filosofía, relixión, artes, etc.

Dentro da literatura, ademais da primeira parte de El Quijote ou un bo número das obras de Lope de Vega, tamén podemos atopar "A las orillas del Sar", (1884) poemario en castelán da nosa universal Rosalía.

 

                                   Vídeo explicativo do traballo de dixitalización previo para sacar 

                                  adiante o proxecto de biblioteca dixital da RAE.