Semana Mundial de Acción pola Educación

     Na última semana do mes de abril 2019 celebramos no colexio a SAME (Semana Mundial de Acción pola Educación). Este ano o lema é “Defendemos a educación, sostemos o mundo” e a campaña está centrada na loita contra a degradación medioambiental e a transformación cara un modelo social e medioambiental sostible. O alumnado de 2º de ESO nas materias de Relixión e Valores Éticos deseñou e levou a cabo un gran mural para difundir o lema da campaña. E como actividade conxunta cada clase ou grupo do centro elixiu palabras que  relacionadas co lema da campaña (por exemplo: ecoloxía, cambio climático, planeta, reciclaxe, etc) e construiu as letras desas palabras utilizando vasos de iogur (na base de cada vaso vai pintada unha letra). 

     O venres 26 de abril habilitouse un espazo na biblioteca que serviu de base para ir construíndo un gran “autodefinido” conxunto (EI, EP e ESO). Ao longo da mañá cada grupo baixou acompañado polo seu titor/a para colocar as súas palabras.

                 

Preguntón 2019. 1º Semana

Aquí tedes as preguntas da primeira semana. Como sabedes tedes ata o venres 3 de maio para atopar as respostas. Non esquezades que podedes obter puntos extra se utilizades algún libro da biblioteca para obter as respostas.

 

Bases preguntón 2019

 

Un ano máis volvemos convocar o concurso do preguntón. Este ano cunha duración de catro semanas e coma en cursos anteriores dirixido aos alumnos de 5º e 6º de Educación Primaria e aos catro cursos da ESO.

Bases do Preguntón

PARTICIPANTES

Poderá participar o alumnado de 5º e 6º de Educación Primaria e todo o de Secundaria formando equipos de 2 persoas de calquera curso.

Os participantes deberán inscribirse na Biblioteca debendo cubrir unha folla cos datos dos compoñentes do grupo e o nome do grupo.

Poderanse apuntar ata o venres 26 de abril.

O XOGO

-O xogo desenvolverase dende o venres 26 de abril ata o xoves 16 de maio. Consta de varias preguntas ou probas.

Estarán expostas no taboleiro do PREGUNTÓN situado xunto á porta da Biblioteca e no blog da Biblioteca Castelao.

- Cada venres publicaranse no taboleiro e no blog as preguntas ou probas.

- Cada luns publicaranse no taboleiro as puntuacións obtidas.

-O prazo para entregar as respostas será ata o venres seguinte ás 12:35. Nese tempo poderedes empregar calquera servizo da biblioteca, libros, ordenadores, internet, ou os vosos propios recursos.

-As respostas debedes presentalas nas follas que atoparedes na biblioteca e depositalas no prazo previsto nunha furna habilitada para este concurso. 

-Cada pregunta ou proba ten unha puntuación indicada explicitamente. Os equipos que presentedes a resposta acertada dentro do prazo sumaredes os puntos en xogo.

- NOVIDADE: Punto extra: poderase gañar un punto extra por cada pregunta na que se indique un libro da nosa biblioteca onde se atopa a resposta. Anotarase o título, autor e páxina onde está a resposta indicada.

-Cando semana cando remate  o prazo de entrega, publicaremos as respostas no taboleiro do Concurso.

GAÑADORES

-O equipo gañador será o que acumule máis puntos ao remate do concurso. En caso de empate, o premio será repartido  entre os equipos que acaden a mesma puntuación.

-Haberá un equipo gañador e dous equipos finalistas.

XURADO

-O xurado estará composto polos membros do equipo da Biblioteca e do ENDLG.

-Se o xurado detecta calquera comportamento antideportivo, adoptará medidas, incluíndo a descualificación do  equipo ou equipos implicados. -A participación no concurso supón a aceptación de todas estas bases.

23 DE ABRIL: DÍA DO LIBRO

Cada 23 de abril celebramos o Día do Libro para recoñecer a súa importancia como ferramenta cultural.

Todo, todo está nos libros. Todo o que é. E todo o que non é, pero podería ser. Tamén o que nunca foi nin será, nin podería selo.

 A vida toda está nos libros: a historia da humanidade... o que sentimos as persoas... o que soñamos ou simplemente imaxinamos...

   E por qué lemos?

-  En primeiro lugar porque alguén nos aprendeu a facelo,

-   porque outras persoas nos acompañaron nas nosas primeiras lecturas,

-   porque leron para nós ata que fumos capaces de facelo por nós mesmos

-  porque desfrutamos coa lectura compartida no camiño de descubrir o placer de mergullarnos sós nun libro.
Isto é o que queremos homenaxear no Día do Libro: as persoas que foron abrindo camiños para nós; esas persoas que, lendo, axudáronos a medrar como lector@s. E a nós mesmos que apamadriñamos a outros nenos e outras nenas que veñen detrás.

SEMANA DA PRENSA NA ESCOLA

Do 11 ao 15 de marzo de 2019 os centros educativos galegos celebramos a Semana da Prensa na Escola, unha iniciativa instituída oficialmente dentro do calendario escolar en 1989 e impulsada pola Voz de Galicia.

No noso centro, un ano máis, realizamos unha exposición con xornais e revistas de distintos lugares de España e do mundo e de diversa temática: prensa xeral, prensa deportiva, prensa económica… Poderemos así complementar as nosas clases  convertindo a prensa nun elemento pedagóxico máis, fomentando a súa lectura e desenvolvendo así o sentido crítico dos nosos nenos/as e mozos e mozas.

8 DE MARZO: DÍA INTERNACIONAL DA MULLER

Alumnado de 2º ESO, na materia de "Igualdade", elaboran o cartel para o 8M

Marta Novo, encargada da Biblioteca Castelao, e Teresa Blanco, profesora da materia "Igualdade", posan diante do cartel e stand adicado ao Día Da Muller, 8 de Marzo.

DÍA DE ROSALÍA NO CPI VIRXE DA CELA

Un ano máis dedicamos á ben merecida poetisa galega Rosalía un recuncho da nosa escola para conmemorar a súa figura  non so como creadora, senón como muller loitadora que rompeu moitas barreiras. Un panel con diferentes poemas e cidas sobre a autora galega, así como unha selección da súa obra literaria están á vosa disposición nos corredores do edificio de secundaria. Celebremos xuntos o Día de Rosalía, 24 de febreiro 2019. 

ROSALÍA ETERNA. DÍA DE ROSALÍA

Este domingo, 24 de febreiro, lembramos a figura da nosa poeta máis universal, Rosalía de Castro, a escritora máis representativa da língua e da literatura galegas, pois asumíu a voz do seu pobo, voz que guiou permanentemente a súa obra e o seu pensamento.

Por iso, para expandir o poder da súa palabra queremos compartir este pequeno vídeo- feito polo alumnado do CPI As Mirandas de Ares- e amosar e reivindicar a esa Rosalía que, adiantada ao seu tempo, mobilizou as conciencias colectivas defendendo os dereitos das mulleres. O feito é que, sobre todo na súa pouco coñecida prosa, Rosalía foi unha abandeirada do feminismo. O prólogo de La hija del mar, un dos seus libros máis intimista, supón todo un alegato de empoderamento feminino e reivindicativo. "Porque todavía no les es permitido a las mujeres escribir lo que sienten y lo que saben”, afirmaría no texto, publicado en 1859.

O certo é que a preocupación constante pola condición feminina impregnou a súa obra. Ela representa, en suma, o inicio da modernidade galega.