PRORROGAMOS PREGUNTÓN PRIMEIRA SEMANA

Xa que o alumnado esta semana tivo moitas actividades no cole, prorrogamos a entrega das respostas da primeira semana ata o luns. Se non che dou tempo a entregar as respostas, bule, que aínda estás a tempo!!!

PREGUNTAS DA 1ª SEMANA DO PREGUNTÓN

Ola a todos e todas. Xa estamos de volta co noso xa clásico concurso "O Preguntón". Aquí tedes as preguntas da primeira semana. Como veredes, non son nada difíciles, así que xa sabedes...

 A xogar!!!!

Podedes premer na imaxe para velas en grande

DÍA DO LIBRO 2017

O sábado celebramos o  #Día do Libro en Monfero, na biblioteca do colexio do Xestal, dentro da campaña #LibrosparaSermosLibres da Deputación da Coruña.

O tenente de alcalde Alberto Cortizas participou no reparto de libros .

O Preguntón

Un ano máis voltamos convocar o concurso do preguntón. Este ano cunha duración de cinco semanas e coma en cursos anteriores dirixido aos alumnos de 5º e 6º de Educación Primaria e dos catro cursos da ESO.

Bases do Preguntón

PARTICIPANTES

Poderá participar o alumnado de 5º e 6º de Educación Primaria e todo o de Secundaria formando equipos de 2 persoas de calquera curso.

Os participantes deberán inscribirse para concursar na Biblioteca debendo cubrir unha folla cos datos dos compoñentes do grupo e o nome do grupo.

O XOGO

-O xogo desenvolverase dende o venres 28 de abril e durante 3 semanas. Consta de varias preguntas ou probas.

Estarán expostas no taboleiro do PREGUNTÓN situado xunto á porta da Biblioteca e no blog da Biblioteca Castelao.

-Cada venres publicarase no taboleiro e no blogue as preguntas ou probas, así como a puntuación acadada.

-O prazo para entregar as respostas será ata o venres seguinte ás 12:35. Nese tempo poderedes empregar calquera servizo da biblioteca, libros, ordenadores, internet, ou os vosos propios recursos.

-As respostas debedes presentalas nas follas que atoparedes na biblioteca e depositalas no prazo previsto nunha furna habilitada para este concurso. 

-Cada pregunta ou proba ten unha puntuación indicada explícitamente. Os equipos que presentedes a resposta acertada dentro do prazo sumaredes os puntos en xogo.

-Cando semana cando remate  o prazo de entrega, publicaremos as respostas no taboleiro do Concurso.

GAÑADORES

-O equipo gañador será o que acumule máis puntos ao remate do concurso. En caso de empate, o premio será repartido  entre os equipos que acaden a mesma puntuación.

-Haberá un só equipo gañador.

-Todos os participantes levarán un diploma de participación.

XURADO

-O xurado estará composto polos membros do equipo da Biblioteca e do ENDLG.

-Se o xurado detecta calquera comportamento antideportivo, adoptará medidas, incluíndo a descualificación do  equipo ou equipos implicados.

-A participación no concurso supón a aceptación de todas estas bases.

23 DE ABRIL, DÍA DO LIBRO

CHARLA DE XURXO MARIÑO

O deserto do Kalahari; os San e a súa complexa linguaxe (chamados bosquimáns polos europeos); o deserto de Atacama en Chile; o volcán Kilauea en Hawai; tartarugas, lobos mariños e iguanas das Illas Galápagos; a contraste entre o río Amazonas e o río Negro; raposos voadores; rúas de Hanoi invadidas polas motos…”Ciencias, aventuras e sorpresas dunha viaxe arredor do mundo”, título que da nome á charla impartida por Xurxo Mariño para todo o alumnado da ESO e que nos fio viaxeiros por un anaco gracias ao entusiasmo do seu relato e ao saber acumulado despois de once meses de percorrido arredor do mundo.

III CONCURSO DE FOTOGRAFÍA "GALICIA, AUGA E LITERATURA" DO PROGRAMA PRENSA-ESCOLA DA VOZ

Concurso de fotografía auga e literatura de Yolanda Castro

A VAQUIÑA POLO QUE VALE

Logo gañador, autora: Alba Rodríguez Purriños

Este ano temos no centro un proxecto interdiscilinar sobre a vaca e o leite, o seu título é: A Vaquiña polo que Vale.

Toda  a comunidade educativa do CPI Virxe da Cela participa no mesmo dun xeito ou doutro. Este proxecto xurde da colaboración  ca Universidade da Coruña e as ongs  Solidariedade Internacional e Cooperación Galega co obxectivo de analizar como introducir o paradigma da Dimensión Global da Educación para o Desenvolvemento de xeito transversal nas nosas materias e asignaturas.

Desde a asignatura de Educación Plástica estivemos traballando como darlle visivilidade ao proxecto e levamos a cabo dúas propostas a primeira foi o deseño dun logotipo para o proxecto e a segunda foi un traballo de creatividade partindo da mesma silueta dunha vaca, cada alumno do noso centro desde Infantil a 4º de ESO fixo a súa proposta.

Nos seguintes vídeos podedes ver os traballos presentados:

CONCURSO DE LOGOTIPOS

DESFILE DE VACAS