Visita da Asesoría de Bibliotecas Escolares ao noso centro

O xoves 23 de xaneiro visitounos María Pousa da Asesoría de Bibliotecas Escolares para axudarnos a reordenar a biblio. Seguimos traballando para que os nosos nenos e nenas accedan aos mellores fondos de forma máis fácil e cómoda, mercando novos libros, organizándoos, sacando os antigos, facendo un fondo histórico, creando novas etiquetas, adaptando a CDU... 

 

Temos moitas novidades!

 Temos moitas novidades que non debes perder! Vén buscar a túa! 

Non é unha caixa.

 A partir do libro de Anotinette Portis da Editorial Kalandraka, o alumnado do 1º Ciclo de EP están creando nas estacións de aprendizaxe novas utilidades das caixas que recompilaron en 2º de EP coa colaboración das familias. Mirade canta imaxinación e creatividade: bauis, naves espaciais, coches... e moitas cousas máis! 

"Unbound", Judith Scott.

Nos ambientes do 1º ciclo usamos os libros para coñecer historias, técnicas artísticas e ata para aprender algo máis de inglés! 

A partir do libro "Unbound" coñecemos a Judith Scott na asignatura de Arts onde estamos facendo un pequeno fipbook e ademais, recreamos as súas obras no ambiente de ciencias e arte.

Aquí vos deixamos unhas imaxes das nosas primeiras obras.

Club de xogos de mesa: biblioteca creativa.

 O clube de xogos de mesa é unha proposta dinamizada nos leceres do tempo do comedor. A través dela, búscase que o alumnado adquira outras dinámicas de lecer, como é o xogar a diferentes xogos de mesa. Esta proposta está aberta ao alumnado desde 4º de Educación Primaria até 4º de Educación Secundaria, permitindo así que toda unha ampla franxa de idade poida participar. Actualmente, ao redor de 30 alumnos e alumnas forman parte deste clube, que se reúne de maneira quincenal.

A través dos xogos, as aprendizaxes do alumnado serán múltiples e variadas. Por unha banda, estaremos a traballar múltiples competencias clave, como a competencia en comunicación lingüística, a competencia cidadá, a competencia persoal, social e de aprender a aprender, e sen esquecer, a competencia STEM. Con cada razoamento, pensamento dunha estratexia, con cada inferencia, os estudantes estarán a traballar todas estas competencias de maneira activa. Ao mesmo tempo, desenvolverán habilidades cognitivas fundamentais, como o pensamento lateral, a abstracción e o pensamento computacional, todas elas sen percatarse de que están facendo un traballo intelectual de gran valor.

Ao xogar en grupo, os estudantes non só están mellorando as súas habilidades de comunicación, senón tamén a súa capacidade para tomar decisións colectivas, negociar e respectar as regras, elementos que son fundamentais no desenvolvemento da competencia cidadá. O clube ofrece tamén un espazo para que melloren a súa competencia persoal e social, practiquen o traballo en equipo e se formen como cidadáns responsables. Ao ser un espazo onde se potencia a cohesión grupal, os xogos permiten que os alumnos e alumnas aprendan a convivir en comunidade, a respectar as diferenzas e a traballar de maneira colaborativa, á vez que melloran as súas relacións interpersoais.

Sen dúbida, con esta proposta enmarcada nunha aprendizaxe non formal, estaremos a descubrir como dinamizar contidos curriculares dun xeito diferente, nun ambiente lúdico e cercano ao alumnado. As dinámicas de grupo e as aprendizaxes que se producen de maneira informal a través do xogo permiten que se desenvolvan habilidades que despois se poden transferir ao ámbito escolar e á vida diaria. Ao integrar xiros lúdicos e actividades relacionadas co pensamento computacional, tamén estamos a axudar ao alumnado a comprender mellor conceptos matemáticos, estratéxicos e lógicos que se aplican en múltiples contextos.

Este tipo de aprendizaxe, á vez que fomenta o desenvolvemento cognitivo e persoal dos estudantes, contribúe a que os tempos de lecer se aproveiten de maneira productiva, transformando un momento de ocio en oportunidade de crecemento e formación. Sen dúbida, será un tempo de ocio diferente, onde se pode aprender xogando, potenciar habilidades persoais e sociais, e desenvolver competencias clave para o futuro.

2ª reunión club de lectura "Mundo de letras": Wombo Combo.

 Nesta 2ª reunión do grupo 2 do club de lectura "Mundo de letras" foi a quenda do libro de Paula Carballeira "Wombo Combo", aquí vos deixamos a presentación con algúns temas que se trataron e fotos que iremos actualizando nas vindeiras reunións. 

2 de febreiro: Día da Candeloria.

Blue White Watercolor Birds Watching Page Border de bibliotecacpivirxedacela

DÍA ESCOLAR DA PAZ E A NON VIOLENCIA

 Os alumnos do CPI Virxe dá Cela  e o CPI As Mirandas uníronse nunha actividade colaborativa para celebrar o Día Escolar da Paz e a Non Violencia. Esta centrouse na interpretación dun conto que transmitía unha poderosa mensaxe: a pesar dos conflitos e guerras que existen no mundo, sempre hai esperanza para construír un futuro en paz.

 A través da interpretación, os alumnos non só mergulláronse no relato, senón que tamén reflexionaron sobre a importancia da paz e a non violencia nas nosas vidas cotiás e lograron transmitir unha mensaxe clara: aínda que o mundo enfronte desafíos, sempre hai espazo para a esperanza, a colaboración e o soño dun mundo en PAZ.

Imaxes da 2ª reunión do club de lectura "Mundo de letras"

Nesta segunda reunión sobre o libro "As terapias da Doutora Ledicia" estivemos moi serias conversando. Sairon temas como a saúde mental, as constelacións e os satélites, o uso do galego...  Pero tamén probamos as cantigas feitas con Suno e así foi como cantamos e bailamos ben felices. Si que debe ser certo que as sesións de Ledicia  teñen efecto nos estados de ánimo! Mirade que caras de felicidade!

 

2ª reunión do club de lectura "Mundo de letras"

 Nesta segunda reunión do club de lectura do 3º ciclo de EP imos falar sobre o libro de teatro "As terapias da doutora Ledicia". Todo o traballo arredor desta obra recopilarémolo na seguinte presentación así que visitádea cando queirades porque vai ter actualizacións. 

Abellas na biblio: o valor do medio natural

 

Na biblio contamos cunha chea de referencias para coñecer mellor o noso medio natural. Entre elas hoxe propoñemos as seguintes recomendacións: Libros sobre abellas de bibliotecacpivirxedacela Pero tamén, realizamos un par de obradoiros para o alumnado da etapa de infantil e do 1º ciclo da educación primaria. Os mesmo contaron cunha metodoloxía activa-participativa de aprendizaxe por descubrimento que permrá ao alumnado ser axentes directos da súa aprendizaxe e non, simplemente, meros receptores de contidos. Neles, foi o momento de tocar, degustar, ulir e participar activamente das actividades.  Así, a experiencia tivo a seguinte secuencia: Introdución. Con dúas actuacións; na primeira escenifícando un conto interactivo, e na segunda cunha pequena introdución á vida das abellas obreiras. A vida das abellas. Aquí o obxectivo foi coñecer a vida das abellas e dos recursos relacionados con elas: a colmea, a raíña, os abázcaros, as obreiras, o apiario, a reprodución e o enxameamento. Vimos como é unha colmea e o emprego que lle dan as abellas. Aprendemos cales son os seus habitantes, visitamos o apiario mediante unha proxección. Ademais, identificamos os distintos apeiros de apicultura. Ao tempo, vimos traballar á abella raíña nunha colmea de observación, e repasamos o proceso de enxameado. Produtos que nos dan as abellas. Aprendemos sobre como recollen o pole as abellas e para que o utilizan. Repasamos todo o procesado do mel, dende que as abellas extraen o néctar das flores ata que o envasamos; utilizando unha proxección e un extractor de mel real realizamos en vivo unha extracción simulada de mel. Ao tempo, revisamos o procesado da cera e, para rematar, crearemos unha candea. Degustación do pole e o mel. A importancia das abellas. Co obxectivo específico de amosar o importantes que son as abellas para nós e utilizando os recursos dos que dipoñiamos, fixemos unha gráfica e sinxela exposición sobre a reprodución das plantas con flor, vendo logo a súa relevancia no medio e na nosa alimentación. Toda unha interesante experiencia!!!!