01/12/11

Celebración do día da Constitución

O vindeiro día 6 de Decembro cúmprense 33 anos dende que o pobo español aprobou en referendum a que hoxe é a nosa Constitución.

Do Goberno de Canarias temos unha presentación para os máis pequenos no seguinte enlace.

Fichas dos artigos para descargar

Da Junta de Castilla y León temos este outro no que podemos aprender moitas cousas relacionadas coa nosa Constitución como a orixe, contido e referencias ás comunidades autónomas.




Respecto da EDUCACIÓN, así di o artigo 27:
Artículo 27
    1. Todos tienen el derecho a la educación. Se reconoce la libertad de enseñanza.

    2. La educación tendrá por objeto el pleno desarrollo de la personalidad humana en el respeto a los principios democráticos de convivencia y a los derechos y libertades fundamentales.

    3. Los poderes públicos garantizan el derecho que asiste a los padres para que sus hijos reciban la formación religiosa y moral que esté de acuerdo con sus propias convicciones.

    4. La enseñanza básica es obligatoria y gratuita.

    5. Los poderes públicos garantizan el derecho de todos a la educación, mediante una programación general de la enseñanza, con participación efectiva de todos los sectores afectados y la creación de centros docentes.

    6. Se reconoce a las personas físicas y jurídicas la libertad de creación de centros docentes, dentro del respeto a los principios constitucionales.

    7. Los profesores, los padres y, en su caso, los alumnos intervendrán en el control y gestión de todos los centros sostenidos por la Administración con fondos públicos, en los términos que la ley establezca.

    8. Los poderes públicos inspeccionarán y homologarán el sistema educativo para garantizar el cumplimiento de las leyes.

    9. Los poderes públicos ayudarán a los centros docentes que reúnan los requisitos que la ley establezca.

    10. Se reconoce la autonomía de las Universidades, en los términos que la ley establezca.

Para aprender máis e traballar na aula temos os seguintes recursos:

Caderno para E.I. en Investigación y educación nº 13 (Decembro de 2004)


Debuxos infantís para colorear


Caderno para 1º ciclo (PNTIC, 2006)


Xogo para 2º ciclo


Xogo de cartas



Xogo para 3º ciclo



Puzzle sobre las Comunidades Autónomas



Actividades diversas sobre la Constitución




Caza de tesouro (do CEIP San Walabonso)


Oficina de objetos perdidos (do CEIP San Walabonso)



Orientación Andújar
Páxina do Equipo de Orientación Andújar con moitos recursos: Información, xogos...

25/11/11

Día Internacional contra a violencia de xénero

Hoxe día 25 de novembro celébrase o día internacional da violencia de xénero, un problema ante o que non podemos pechar os ollos e sobre o que debemos loitar para conseguir a súa erradicación.

Mulleres en Galicia
Secretaría Xeral de Igualdade.
Presidencia
Xunta de Galicia







MÚSICA

"Ella" da cantante BEBE




"Salir corriendo" de AMARAL




"En tu ventana" do dúo ANDY Y LUCAS



17/11/11

Women in Art

Este video titulado "Women in Art" de Philip Scott Johnson (Eggman913) creado no 2007, en Missouri (Estados Unidos) é todo un himno consagrado á historia do arte a través da imaxe da muller.



Tamén ten outros adicados a pintores como Van Gogh ou Cézanne .

07/11/11

Páxina web interesante sobre ESTATÍSTICA


Nesta páxina web desenvolvida polo Instituto Nacional de Estatística temos a nosa disposición coñecementos básicos, prácticos e entretidos sobre a Estatística e as estatísticas. Dende información básica sobre conceptos elementais utilizados de forma habitual na ESTATÍSTICA ata aplicacións e datos curiosos en varios ámbitos pasando por personaxes, fitos, evolución dos produtos estatísticos ao longo do tempo...

26/10/11

Xa está aquí o II Día da Ciencia en Galego. Este ano a química fala galego.

O día 4 de novembro de 2011 celebraremos o II Día da Ciencia en Galego adicado a exaltar o papel da Ciencia e da Tecnoloxía na creación e profusión da Cultura Galega. A actividade realízase en toda Galicia o mesmo día.
Este ano celébrase o Ano Internacional da Química. Conmemórase o premio Nobel de Química concedido a Marie Curie no 1911 polos seus descubrimentos dos novos elementos Radio e Polonio. Marie Curie é a primeira persoa que recibe dous premios nobeis (de Física e Química); posteriormente só houbo outra persoa. É a primeira muller que recibe un premio Nobel, é a primeira muller que dá clases na Universidade da Sorbona,... fai os seus descubrimentos estando fóra da Universidade, antes de que sexa nomeada profesora, e tendo dúas fillas (unha delas premio Nobel, tamén). Razóns de sobra para homenaxeala neste día Galego da Ciencia.
Así, o 4 de novembro homenaxéase a Marie Curie e á matemática galega Mª Wonenburger, facendo tamén unha homenaxe ás primeiras mulleres que dan clase, fan ciencia, e cambian para sempre a maneira de ver o papel da muller na ciencia.

Para saber mais sobre elas pica nas imaxes




06/06/11

Leonard Cohen, premio Príncipe de Asturias das Letras

Fai uns días Leonard Cohen foi galardoado co Premio Príncipe de Asturias das Letras 2011.Os seus poemas e cancións exploran con profundidade e beleza as grandes cuestións do ser humano.Leonard Cohen primeiro publicou poesía e logo meteuse na música, combinou ao longo da súa vida os dous campos e mantivo un altísimo nivel literario nas súas cancións, ao mesmo tempo que escribiu poemas e novelas.
Se pinchas sobre a seguinte imaxe deste cantante,poeta e novelista accederás á noticia do xornal El País.

25/05/11

ZOOLOXÍAS DOMÉSTICAS








Tomando como base o libro "Imaxina animais", da Editorial Kalandraka, este obradoiro impartido por Alberto Barreiro na biblioteca escolar o pasado martes 24 de maio de 2011, de 15:oo a 16:15 horas deu como resultado a invención de seres curiosos e orixinais, mistura de animais e obxectos. Partindo de imaxes de abrelatas, lámpadas, coitelos, tesouras, trompetas, etc... os rapaces e rapazas de 5º e 6º de primaria deiraxon voar a súa imaxinación neste obradoiro de ilustración e escritura creativa, poboando o espazo con "gaivofóns", "pimbos", "cuchipés" e outras moitas criaturas imposibles.

Se queredes saber máis sobre estas técnicas de escritura creativa, visitade o blogue "PALABRAS NO AR", no seguinte enlace:



PALABRAS NO AR é unha campaña de dinamización lingüística deseñada por KALANDRAKA EDITORA para a Secretaría Xeral de Política Lingüística no marco do seu programa BOCABERTA,

24/05/11

OBRADOIROS SOBRE A COMIDA INDIA NA BIBLIOTECA ESCOLAR







O luns 23 de maio a biblioteca escolar ambientouse cos aromas exóticos do oriente, para transportar ao alumnado de 5º e 6º de primaria ás lonxanas xeografías da India. Os rapaces e rapazas de 5º e 6º de primaria, guiados polo alumnado de 3º da ESO, analizaron e clasificaron os diferentes tipos de especias empregados na gastronomía india. Este obradoiro realizouse tras unha charla na que varios mozos e mozas de 3º da ESO explicaron as características básicas da gastronomía na India, así como os seus hábitos alimenticios. Esta actividade está englobada dentro do proxecto School to School, da Fundación Vicente Ferrer, no que o noso centro está a participar dende o pasado curso académico 2009-2010, que consiste nun intercambio cultural e de tradicións entre a nosa escola e unha escola da India, a Pinnadari School, situada no distrito de Atmakur (Anantapur, India).

20/05/11

Bandas deseñadas de 1º ESO

O profesor de Língua Galega propúxolles aos seus alumnos de 1º E.S.O. que fixeran unhas tiras de banda deseñada con temática libre.Estes son os resultados:

18/05/11

DÍA DAS LETRAS GALEGAS 2011

Alumnado de 3º da ESO amosando o seu libro




Presentación do día das Letras Galegas na Biblioteca



Alumnado de 1º da ESO exhibindo o marcapáxinas




Co galo da celebración do Día das Letras Galegas 2011, o vindeiro Venres 13 de maio de 2011 realizarase unha actividade para o fomento da lectura en lingua galega. Todo o alumnado do centro será agasallado cun libro de contos en galego e un marcapáxinas conmemorativo. O acto terá lugar na Biblioteca Castelao, onde se realizará a entrega. Os grupos, acompañados polos seus titores/as visitarán a Biblioteca no seguinte horario:

•De 12:35 a 12:45: alumnado de 2º Ciclo de Educación Primaria.
•De 12:45 a 12: 55: alumnado de 3º Ciclo de Educación Primaria.
•De 13:00 a 13:05: alumnado de 1º ESO
•De 13:05 a 13:10: alumnado de 2º ESO
•De 13: 10 a 13:15: alumnado de 3º ESO
•De 13:15 a 13:20: alumnado de 4º ESO

O alumnado de Educación Infantil e 1º Ciclo de Educación Primaria recollerán os seus agasallos o mércores 18 de maio en horario de 12:35 a 13:00 (motivo: saída extraescolar o venres 13 de maio)

O alumnado de PCPI recibirá o agasallo a través do seu titor.

Agradecemos ao Concello de Monfero a doazón dos libros.

Esta actividade de fomento da lectura en lingua galega está promovida pola Biblioteca Escolar, o EDLG e o Departamento de AAEE.


12/05/11

O pequeno señor Paul


"Cando o pequeno señor Paul era un señor Paul aínda máis pequeno, vivía nun mundo cheo de libros. A casa dos seus pais estaba de arriba abaixo chea de libros. Había libros no salón, libros no soto, mesmo no faiado había libros en andeis.Poderíase pensar que a familia Paul vivía realmente nunha Biblioteca. Mesmo algúns dos mobles eran libros.Había tallos feitos de libros, unha butaca de libros, e co atlas enorme do avó fixeran unha mesa.Dependendo da páxina por que estivese aberto, a familia podía almorzar en América, cear en África ou tomar o café na Lúa..."

Así comeza este fermoso libro de breves relatos onde a lectura é o centro da vida dun entrañable personaxe, o señor Paul, protagonista de todas as historias.Estes relatos, orixinais e sorprendentes, presentan unha mirada inxenua e aguda da realidade: libros con finais diferentes segundo quen o lea, que contan a vida daquel que os le, que crecen nas árbores, personaxes imposibles (como o vendedor de habilidades, ou o muñeco do semáforo, que cobra vida), e sucesos surrealistas. No mundo do señor Paul, todo o que teña espazo entre as tapas duras dun libro e o que faga vibrar a alma dun lector é posible. E todo iso, son moitas, moitas cousas…

O autor do libro, Martín Baltscheit, móstranos cómo sin a lectura a vida é moito máis pequena.

09/05/11

Lois Pereiro



Este ano o día das Letras Galegas, o 17 de Maio, está adicado ao poeta monfortino Lois Pereiro.

Tedes información moi completa sobre o autor: biografía, obra, fotografías e vídeos,comentarios a súas obras.... na páxina de AENDL (Coordinadora galega de Equipos de Normalización e Dinamización Lingüística) .Tamén hai na devandita páxina abundante e variado material didáctico: paneis, webquest...

Neste video podes escoitar algún dos seus poemas da man de Arturo Casas, Antón Losada, Paco Macías, Antón Patiño e Antón Lopo que len poemas de Lois Pereiro.

O CEIP Condesa de Fenosa elaborou este estupendo traballo sobre LOIS PEREIRO



Para rematar tedes dous artigos un de Aarón López en Galiciaé :

Lois Pereiro, a encarnación dunha xeración (15/09/2009)


E o outro de Daniel Salgado en El País:

O día en que o punk entrou na Academia (2/07/2010)

O alumnado de Primaria do noso centro fixo o seguinte mural sobre a vida e obra de Lois Pereiro:


08/05/11

Un avó especial


O libro “Un avó especial” está baseado na obra teatral do mesmo nome que a compañía “Migallas Teatro” creou no ano 2005 co asesoramento de AFAPO (Asociación de Familiares de Enfermos de Alzheimer e outras demencias de Pontevedra), co obxectivo de axudarlles aos nenos e nenas a comprender mellor a doenza do Alzheimer.
O texto de Carlos Yus e as ilustracións de María Campos contan a relación entre un avó e a súa neta desde que esta nace ata que ten doce anos. O avó cóidaa, ensínalle ditos, cantigas, xogos... Co paso do tempo sucédense as risas e os enfados entre os dous pero, un día, o avó comeza a ter moitos despistes e, ademas, cámbialle o carácter. Rosiña, coa axuda dos seus pais, ten que facer fronte a esta nova situación.
Tamén trata o tema da relación entre os/as nenos/as e os/as anciáns/as en xeral así como diferentes modos de educar aos nenos por parte dos membros da familia. Os avós preséntanse como transmisores da sabedoría tradicional e peculiar de cada pobo fronte á uniformidade cultural.
Tedes unhas cantas propostas para traballar na seguinte unidade didáctica do espectáculo de Migallas Teatro "UN AVÓ ESPECIAL”.

05/05/11

Dúas peliculas do gran Charles Chaplin

Acaban de chegar á biblioteca dúas xoias cinematográficas deste gran realizador.Dúas das mellores comedias xamais realizadas.En "El Gran Dictador" Chaplin retrata coa súa orixinal ironía a ascensión ao poder do réxime fascista, interpretando un doble papel como o dictador Hynkel e un humilde barbero xudeo que non sabe que outra persoa fisicamente igual convertiuse en dictador do país.
En "Tiempos modernos" Charlie Chaplin enfréntase á cadea de montaxe dunha fábrica.
Coa revolución industrial un obreiro perde o seu traballo ao non poder adaptarse ao proceso automático de producción.... ¡¡ O home contra as máquinas !!

04/05/11

Novidades DVD

Estas son as novidades en DVD que acaban de chegar a nosa Biblioteca.Nesta presentación as podedes ver:


29/04/11

A gañadora do premio Cervantes 2010


Fai uns días entregouse o Premio Cervantes 2010 que recibiu a escritora Ana Mª Matute.É a terceira muller en gañalo.No seu discurso fai unha bella defensa da invención como valor supremo na vida. O realismo social e os mundos infantís e máxicos están reflexados na súa obra.
O seu discurso completo o podes ler no seguinte enlace.
Se pinchas na súa imaxe accederas a un especial sobre a súa vida e a súa obra.

28/04/11

Un neno e un peixe nunha biblioteca




É posible que un peixe desapareza dentro dun libro? É posible que un neno se mergulle nun libro para salvar a un peixe? Cando un neno e un peixe entran nunha biblioteca no medio
dun bosque, calquera cousa pode acontecer.
Neste maravilloso libro con tonalidades ocres a base de tintas e pluma e pinceladas vermellas que centran a atención da historia está presente a difusa fronteira entre a realidade e a ficción.As súas ilustracións case non necesitan palabras, e precisamente no momento máis emocionante da aventura o relato plásmase só con imaxes.
O peixe vermello” presenta a biblioteca como o templo do saber, un espazo acolledor aberto á imaxinación e á ensoñación.
Este é o primeiro dos seis libros que publicou a ilustradora coreano-americana Taeeun Yoo que desenvolve maxistralmente neste libro o efecto de facer caer o protagonista -e con el o lector- dentro do propio libro.

14/04/11

Xogando a ler






Fai unhas semanas empezouse esta actividade co alumnado de Educación Infantil.Todos os xoves coa súa mes
tra escollen un libro da biblioteca para levar a casa.Os libros comezan a camiñar das mans das nenas e dos nenos para ver mundo e encherse de vida a traves de esas bonitas "bolsas de biblioteca", bolsas dos "libros que van e veñen", que facilitan esa viaxe.Nesta actividade faise partícipe ás familias da experiencia da lectura e o contacto cos textos.

13/04/11

El paso del tiempo

La casa, un álbum con ilustraciones de Roberto Innocenti y texto de J. Patrick Lewis, presenta las vicisitudes que sufre una vieja casa de campo, construida en 1656, a lo largo del siglo XX. Al comenzar el siglo la vemos medio derruida, como un lugar de juegos para los niños y al final la vemos completamente transformada. Entre medias, la casa sufre distintas modificaciones y, a su alrededor, ocurren muchas cosas.
La historia se cuenta, sobre todo, por medio de quince dobles páginas con una gran ilustración que muestra la casa y su entorno siempre desde la misma perspectiva. En ellas se pueden ir viendo los cambios que sufre tanto su aspecto externo como la distinta gente que la ocupa o que juega o trabaja en los alrededores. Además, en las dobles páginas que van entre cada una de las ilustraciones grandes, hay una o dos ilustraciones pequeñas en la izquierda y un texto corto en la derecha.

08/04/11

El libro de la felicidad

Se pensamos en positivo podemos alcanzar todos os obxectivos que nos propoñamos.Neste libro temos 59 consellos para ser felices.Todo é cuestión de poñelos en práctica.

06/04/11

2 de Abril :día do libro Infantil e Xuvenil



Hai uns días celebrouse o DÍA INTERNACIONAL DO LIBRO INFANTIL.Desde 1967 celébrase todos os anos o devandito día. A data elixida é o 2 de abril xa que nela conmemórase o nacemento do escritor danés Hans Christian Andersen. O evento está organizado polo IBBY (International Board on Books for Young People). Esta Organización encarga cada ano a un país diferente o deseño do cartel anunciador e da mensaxe dirixida a todos os nenos do mundo. Para 2011, a sección de Estonia difunde o cartel de Jüri Mildeberg e a mensaxe da escritora Aino Pervik.

Desde este blog queremos unirnos á celebración compartindo con todos vós o cartel e o texto.

28/03/11

As mochilas viaxeiras

De novo un ano máis púxose en funcionamento hai unhas semanas as mochilas viaxeiras.Este ano ademáis do 1º ciclo de primaria ampliouse ao 2º ciclo de primaria.Fixemos coincidir as mochilas viaxeiras coa exposición dos cadernillos sobre os libros do ano pasado.Esta actividade segue a ter moito éxito entre o alumnado.

12/02/11

CONTACONTOS KALANDRAKA


Un ano mais os nenos e nenas de Educación Infantil e 1º ciclo de Educación Primaria tiveron a oportunidade de deixar voar a súa imaxinación con Kalandraka. Nesta ocasión Patricia González e Alex Fente combinaron narración, imaxes e música para invitar aos nenos e nenas á fantástica viaxe a través dos contos. Cantamos, tocamos palmas, rimos, e case choramos asustados coas historias de cocrodilos, xirafas e outros animais...