Un comezo, cen palabras e a túa imaxinación. Estes son os ingredientes dun microrrelato. Con eles poderás cociñar unha historia doce, amarga ou ácida: ti elixes o sabor. Ánimo e bo proveito!
Benvido ao blog da Biblioteca Castelao onde esperamos compartir contigo experiencias arredor da lectura.
10/12/12
MICRORRELATOS MARQUESIÑA
Dende o departamento de Galego achégannos estes microrrelatos:
Un comezo, cen palabras e a túa imaxinación. Estes son os ingredientes dun microrrelato. Con eles poderás cociñar unha historia doce, amarga ou ácida: ti elixes o sabor. Ánimo e bo proveito!
Un comezo, cen palabras e a túa imaxinación. Estes son os ingredientes dun microrrelato. Con eles poderás cociñar unha historia doce, amarga ou ácida: ti elixes o sabor. Ánimo e bo proveito!
26/11/12
KAMSIHIBAI EN CLAVE DE SOL
O día 26 de novembro ás 3:30 horas da tarde tivemos na Biblioteca Castelao a actividade de teatro xaponés "kamsihibai en clave de sol". Kamishibai
quere decir“teatro de papel” e dende hai séculos é unha forma moi popular de
contar contos en Xapón.Unhas láminas e un teatriño de madeira, plegable e portable, foi o marco esencial e indispensable que contribuiu a crear unha atmósfera máxica que fascinou a audiencia, alumnado de Infantil e de 1º,2º,3º e 4º de Educación Primaria, conseguindo un efecto máxico e de concentración arredor da narración do conto.
25/11/12
CENTENARIO DE CELSO EMILIO FERREIRO
Neste ano 2.012 cumpriuse o centenario do nacemento de Celso Emilio Ferreiro, un dos nosos grandes poetas, persoa comprometida coa súa terra e co seu tempo e máximo expoñente da poesía social.
Monólogo do vello traballador. Celso Emilio Ferreiro
Agora tomo o sol. Pero até agora
traballei cincoenta anos sin sosego.
Comín o pan suando día a día
nun labourar arreo.
Gastei o tempo co xornal dos sábados,
pasou a primavera, veu o inverno.
Dinlle ao patrón a frol do meu esforzo
i a miña mocedade. Nada teño.
O patrón está rico á miña conta,
eu, á súa, estou vello.
Ben pensado, o patrón todo mo debe.
Eu non lle debo
nin xiquera iste sol que agora tomo.
Mentras o tomo, espero.
traballei cincoenta anos sin sosego.
Comín o pan suando día a día
nun labourar arreo.
Gastei o tempo co xornal dos sábados,
pasou a primavera, veu o inverno.
Dinlle ao patrón a frol do meu esforzo
i a miña mocedade. Nada teño.
O patrón está rico á miña conta,
eu, á súa, estou vello.
Ben pensado, o patrón todo mo debe.
Eu non lle debo
nin xiquera iste sol que agora tomo.
Mentras o tomo, espero.
Celso Emilio Ferreiro (1978) Longa noite de pedra en Obra completa, I (Madrid: Akal editor)
01/11/12
O Departamento de Artes Plásticas en colaboración coa
Biblioteca Castelao, organiza un concurso de portadas para libros.
BASES:
1. Dirixido a : Todos os alumnos do CPI
“Virxe da Cela”, que poderán participar de forma individual con un máximo de 3
exemplares
2. Tema:
O Concurso ten por obxecto a creación dun deseño gráfico para a portada
ou cuberta dun libro que o/a alumno/a teña lido.
Nesta portada ten que constar o título e o nome do autor
do libro e ademais a decoración que o/a alumno desexe engadir: fondos,
ilustracións, fotografías, distintas tipos de letra, etc.
O libro pode ser de calquera xénero literario: poesía,
novela, conto, teatro, ensaio, tratado, … . Tamén se pode optar por castelán,
galego, inglés ou francés segundo sexa o idioma no que se leu o libro.
3. Formato: Tamaño mínimo un cadrado de
21x21 cm e máximo un A3 (29,7x42 cm). Pódese variar a forma do soporte sempre
que quede dentro das dimensións mínimas e máximas sinaladas.
4. Técnica: Poderase utilizar calquera
tipo de técnica bidimensional: rotuladores, lapis, témperas, collage, ordenador etc. Tamén se poden combinar técnicas: letras a
ordenador e debuxos a man, fondos de témpera e un collage superposto,
composicións feitas con volume e despois fotografadas, etc.
5. Soporte: En función da técnica os
traballos pódense entregar en papel, cartolina, cartón, táboa, lenzo ou como
arquivo informático se é o caso dun traballo feito por ordenador.
6. Data e lugar de entrega: A data límite
de entrega é ata o venres 3 de maio de 2.013. Os traballos entregaranse na
biblioteca ao profesor de garda na mesma.
7. Premios: Os premios entregaranse na
semana das letras galegas (do 9 ao 17 de maio). Outorgaranse varios premios en
función da idade e das distintas técnicas. Os traballos participantes serán
expostos no centro e tamén no blog da biblioteca.
8. Xurado: O xurado estará composto
por profesores/as deste centro.
27/10/12
RECOMPILACIÓN DE ACTIVIDADES LIM SOBRE O SAMAIN, O OUTONO E O MAGOSTO
A Secretaría Xeral de Política
Lingüística infórmanos de que están á disposición dos centros educativos novos recursos.Se premedes na seguinte imaxe atoparedes materiais e recursos para traballar as diferentes festividades outonais.
07/10/12
Razóns para ler
Un ano máis seguiremos dende a Biblioteca Castelao tendo acceso ao mundo do saber e construindo o coñecemento. Este espazo privilexiado que é a nosa biblioteca aglutinará as prácticas pedagóxicas activas e acordes ás necesidades do noso alumnado tanto na educación infantil como na primaria ou a educación secundaria.
Hai moitas razóns para ler.Aquí tes algunhas delas:
-Porque me transporta a lugares e situacións maravillosas
-Porque non hai mellor cousa no mundo que ter entre as tuas mans un montón de palabras para vivir momentos agradables.
-Para facer voar a túa imaxinación e alimentar os teus soños.
-Para mellorar a túa escritura e aumentar o teu dominio do idioma.
-Para mellorar a túa capacidade de síntese....
Cal é a túa? Mandánosla e iremos poñendo todas nunha nova entrada no blogue.
Hai moitas razóns para ler.Aquí tes algunhas delas:
-Porque me transporta a lugares e situacións maravillosas
-Porque non hai mellor cousa no mundo que ter entre as tuas mans un montón de palabras para vivir momentos agradables.
-Para facer voar a túa imaxinación e alimentar os teus soños.
-Para mellorar a túa escritura e aumentar o teu dominio do idioma.
-Para mellorar a túa capacidade de síntese....
Cal é a túa? Mandánosla e iremos poñendo todas nunha nova entrada no blogue.
30/05/12
A MOCHILA VIAXEIRA
Xa remataron por este ano as viaxes das mochilas da
biblioteca. Este curso leváronas os alumnos do primeiro curso de infantil e os
de 1º, 2º e 3º de E.P.
Polos comentarios que os nenos e as súas familias deixaron
nos cadernos de actividades vemos que a actividade ten unha boa aceptación.
Podedes ler aquí algúns dos comentarios:
-“Gustáronnos moito os
libros que nos enviástedes, (…). A opinión dos pais é moi boa xa que é
necesario empezar cedo coa lectura”.
- “Paréceme moi ben
porque así os nenos acostúmanse a ler”.
-“Interesante e divertida”.
-“Libros moi divertidos,
fáciles de ler e que poden atraer ós nenos á lectura. Un gran acerto incluir un
libro-disco. Ós nenos encántalles a música”.
Os nenos ademais completaron as actividades e fixeron moitos
debuxos. Ao final desta reseña podedes ver algún deles.
Dende a biblioteca queremos agradecer ás familias a boa
resposta que deron a esta actividade, sacando o tempo para ler co seu/súa fillo/a
e axudalo/a co caderno de actividades. Gracias a todos e o ano que ben
repetiremos a actividade con novos contos e libros.
28/05/12
Rematou O PREGUNTÓN
Despois de 10 semanas de concurso onde tivéchedes que contestar preguntas de todo tipo e consultar diversas informacións o I concurso O PREGUNTÓN chegou ao seu fin. Os gañadores son Manuel Santamariña Ruíz de León e Rubén Jove López que formaron o grupo "The Answer Hunters".Como finalistas quedaron os grupos "Duasmar" formado por Mª Santamariña Ruíz de León e Marta Vidal Martínez e xa en terceira posición e coa mesma puntuación os grupos " Os Respostóns" con Óscar Vidal Couceiro e Antonio González López e "Galera" con Alba Gómez Seijo e Lorena Varela Infante.Noraboa a todos os grupos participantes e ata o vindeiro ano na 2ª edición do Concurso O PREGUNTÓN.
16/05/12
15/05/12
VALENTÍN PAZ ANDRADE.LETRAS GALEGAS 2012
"Paz Andrade: Galicia como tarefa" Programa en homenaxe a Valentín Paz Andrade, emitido na TVG en 2002 no espazo Galegos de Honra
Aquí tedes a páxina oficial de Valentín Paz Andrade
23/04/12
A derradeira semana de O Preguntón
Hoxe 23 de Abril, día do libro, entramos na derradeira semana do concurso O PREGUNTÓN. Despois de 10 semanas chegamos ao final. Son moitas as preguntas e probas resoltas,as consultas realizadas,as dúbidas satisfeitas... Aquí tedes as p
reguntas da 10º semana e as respostas da semana anterior.
Dia do libro
Hoxe día 23 de Abril celébrase o día do libro.Neste día e no ano 1616 faleceron personalidades literarias como Cervantes,Shakespeare e Garcilaso de la Vega.A celebración deste día foi tomada pola Conferencia Xeral da UNESCO que se celebrou en París en 1995 para rendir unha homenaxe aos libros e aos autores.
"Fiestra aberta á diversidad das culturas e ponte tendida entre as civilizacións, vector de valores, de saberes, do sentido estético e da imaxinación, o libro é ante todo obra da intelixencia, a creatividade e a cultura humanas: por iso enriquece o patrimonio inmaterial da humanidade..." (Koïchiro Matsuura, Director Xeral da UNESCO).
Na imaxe da dereita tedes un enlace a unha aplicación didáctica sobre a evolución do libro ao longo da historia (materiais utilizados na súa fabricación dende Mesopotamia, Exipto, Grecia, Roma, Alta Idade Media, Baixa Idade Media, a aparición de la imprenta no século XV...)
15/04/12
Dúas semanas máis e esto remata
Entramos nas dúas últimas semanas e os equipos vanse definindo nos primeiros postos.Na primeira posición sitúanse os equipos DUASMAR e THE ANSWER HUNTERS seguidos polos equipos OS RESPOSTÓNS e GALERA. Aquí tedes as novas preguntas da semana e as respostas da anterior.Ánimo e seguide adi
ante!!!!!
ante!!!!!01/04/12
Últimas semanas do PREGUNTÓN
Xa só nos quedan tres semanas para que O PREGUNTÓN remate na súa 1ª edición. Despois de convertiros na semana anterior en grumetes a bordo do barco BEAGLE xa tedes aquí as novas preguntas.Disfrutade destas merecidas vacacións e para
entregar as respostas das novas preguntas tedes ata o 13 de Abril.
26/03/12
Nova xornada para O PREGUNTÓN
Nesta semana antes das vacacións da Semana Santa temos a novidade de ter unha pregunta PREGUNTÓN só para xenius e que vale 5 puntazos.En total nesta semana podedes xuntarvos con 10 puntos máis.
En canto as puntuacións,vai en primeiro lugar o grupo OS RESPOSTÓNS con 39 puntos seguido polos grupos DUASMAR e THE ANSWER HUNTERS con 37 puntos e GALERA con 36 puntos.
20/03/12
Xa é PRIMAVERA
Recibimos hoxe a primavera cunha novidade moi especial. Un libro cheo de música, arte,sensibilidade...
Deixádevos guiar polo esquío vermello e disfrutade desta obra completa. Un libro-cd que reúne un fermoso relato da naturaleza coas imaxes coloristas do reciente Premio Nacional de Ilustración e a a interpretación dunha das mellores violinistas internacionais.
19/03/12
Novas preguntas do Preguntón
Como cada luns poñemos as novas preguntas correspondentes a 6ª semana de xogo.Xa están aquí.Podedes comprobar tamén as respostas a anterior semana. Ánimo! Queda menos para rematar e na cabeza da clasificación están os equipos cada vez maís apretados.Boa sort
e e adiante!!!!!
12/03/12
O PREGUNTÓN entra no seu ecuador
Esta semana na quinta etapa de xogo estamos na metade do Preguntón.Levamos 4 semanas do concurso e xa se van destacando algúns grupos nas súas puntuacións.Na cabeza temos empatados con 25 puntos aos grupos DUASMAR, OS RESPOSTÓNS e ALYAI.
ANIMO E SEGUIDE ASÍ!!!!
Como cada semana ahí tedes as novas preguntas e as respostas as da semana anterior.
08/03/12
Día Internacional da Muller Traballadora
Hoxe, 8 de marzo, celébrase o día Internacional da Muller Traballadora.Un día que debería levarnos a reflexionar sobre a desigualdade de xénero e oportunidades que aínda persiste no noso contorno.Se pinchades sobre a imaxe podedes acceder a mapas con cifras sobre a situación da muller en España e en Europa en materia de Empleo, Violencia, Conciliación Laboral, Acceso á Universidade ou Representación en altos cargos públicos. Ademáis, ofrece información temporal que permite ao usuario ver a sua evolución ao longo dos últimos anos.
05/03/12
Concurso O PREGUNTÓN 4ª semana
Unha semana máis poñemos as preguntas da nova semana e as respostas da anterior.Na pasada semana tivechedes en xeral moi bos resultados qu
e podedes ver no panel da entrada da Biblioteca.Ánimo e seguide así!!!
27/02/12
O PREGUNTÓN entra na súa 3ª semana
Xa tedes no panel da entrada da Biblioteca as novas preguntas do concurso para a 3ª semana e aquí as deixamos para que poidades consultalas.As respostas ás preguntas da semana anterior tamén as tedes.Non esquezades consultar as puntuacións dos equipos na entrada da Biblioteca. Ánimo e seguide a mostrar os vosos coñecementos na busca de información.
A partires desta semana as respostas podedes botalas na furna que se atopa na Biblioteca dende o luns ata o venres.
24/02/12
Inventario Ilustrado de Animais
Este delicado catálogo, con fermosas láminas naturalistas pintadas a acuarela, achéganos 100 das especies máis comúns do noso planeta clasificadas en diferentes zonas xeográficas: bosques tropicais, zonas desérticas, sabanas, montañas e bosques temperados, rexións polares, océanos, costas e ribeiras e zonas habitadas e granxas. Un delicioso xeito de estudar a fauna máis próxima e tamén a máis exótica.
Reseña: http://www.faktoriakdelibros.
17/02/12
A BIBLIOTECA ÉNCHESE DE AMOR...
O pasado martes 14 de febreiro de 2012 todo o alumnado de educación secundaria e de PCPI reuniuse na biblioteca escolar para conmemorar o día do amor, San Valentín. Houbo premios para os alumnos e alumnas gañadores do concurso de declaracións de amor: Antonio González (3º ESO), Lucía Otero (3º ESO), Bibiana Blanco (2º de ESO) e Alexandra Gheorghe (1º ESO). Recibiron un diploma e un pequeno regalo de mans de Miriam, a directora, e este pequeno acto estivo regado polos aplausos de todos os compañeiros/as. Pero houbo sorpresas para todos: as cartas de amor e flores personalizadas.
16/02/12
XA ESTÁ AQUI O ENTROIDO
Como pasa o tempo,parece que foi onte cando estabamos a comer turrón e xa vedes...o Entroido xa está aquí. Trocamos os doces de nadal polas filloas, as orellas, o lacón con grelos de Monfero...
Se queredes saber mais sobre o Entroido aqui vos deixamos unha serie de enlaces nos que podedes atopar toda a información que precisedes así coma xogos interactivos cazas do tesouro, léxicos, receitarios,manualidades (plantillas de máscaras e antifaces, láminas para colorear, etc.); e literatura relacionada con esta celebración.
Podedes premer enriba das imaxes para entrar neles.
14/02/12
XOGANDO E APRENDENDO CO PREGUNTÓN
Pedro García, profe de mates e encargado da biblioteca, revista as respostas dos participantes
Os concursantes consultan as preguntasOs rapaces e rapazas dos grupos apuntados ao concurso "O Preguntón" reúnense diante do panel situado na entrada da biblioteca... quen sabe as respostas? Ánimo, e mostrade todos os vosos coñecementos e habilidades como investigadores...
13/02/12
Concurso O PREGUNTÓN 2ª SEMANA
Aquí están as preguntas da 2ª semana de O PREGUNTÓN. Xunto con elas tedes as respostas as preguntas formuladas a semana pasada. Lembrade botar as respostas na furna antes de que acabe a semana. Boa sorte!!!
Unha vez rematada a 1ª semana do concurso iremos poñendo no taboleiro da biblioteca as puntuacións dos equipos que participan, en total 16 equipos!!!
06/02/12
Concurso O PREGUNTÓN 1ª SEMANA
Hoxe da comezo o concurso O PREGUNTÓN e semanalmente iremos poñendo no blogue tanto as preguntas de cada semana como as respostas da semana anterior.Aquí vos deixo as preguntas correspondentes a 1ª semana.As respostas tedes que facelas nas follas habilitadas na Biblioteca para concursar e botalas na furna.Tedes de plazo toda esta semana.
Durante esta semana aínda estades a tempo de inscribiros. Animádevos!!!!
05/02/12
Concurso O PREGUNTÓN
Está a piques de comezar O PREGUNTÓN,o novo concurso de preguntas e respostas para o alumnado de E.S.O. que se pon en marcha dende a Biblioteca Castelao. Cada luns dende o día 6 de febreiro e durante 10 semanas iremos expoñendo tanto no taboleiro que temos na entrada da Biblioteca como no blogue da Biblioteca as preguntas e respostas de cada unha das tandas de preguntas.
Animádevos a participar!!!! Durante a primeira semana de xogo aínda podedes inscribiros.
01/02/12
CONTOS MUSICADOS DE KALANDRAKA
O pasado luns 30 de xaneiro os nenos e nenas de educación infantil e 1º ciclo de primaria cantaron e bateron palmas ao ritmo do acordeón e a pandeireta, participando das fabulosas historias da editorial Kalandraka, narradas e cantadas por Patricia González e Álex Fende. Un ano mais os pequenos deixaron voar a súa imaxinación...
24/01/12
30 DE XANEIRO: DÍA ESCOLAR DA NON VIOLENCIA E A PAZ
Achegámonos a unha nova edición do Día Escolar da Non violencia e a Paz (DENYP), na súa denominación completa e tal como a acuñou Llorenç Vidal, alá por mediados os anos '60, en coincidencia co aniversario da morte violenta de Mahatma Gandhi, un 30 de Xaneiro de 1948.
Ademais de celebrar o Día Escolar pola Paz, cada 30 de Xaneiro, cousa que debemos facer, sería mellor (e desde logo máis efectivo) celebrar a paz de todos os días e preguntarmonos e interpelar ao alumnado sobre onde está a paz, e en que lugar debemos buscala. Porque non está, como adoitamos crer, fóra de nós, nos grandes líderes mundiais, nin tampouco nas pombas que soltamos, ou nos paneis que debuxamos, nas mans de cores que estampamos en muros e corredores... como ás veces cre o noso alumnado, senón que debemos aprender a escoitar a voz da nosa propia conciencia (Jonan Fernández), dentro do noso corazón, desde aí é desde onde construímos a paz, cada día, connosco mesmo e cos demais. Tal e como o dicía maxistralmente o propio Mahatma Gandhi: "Os únicos demos que existen no mundo aniñan dentro do noso propio corazón".
O Seminario Galego de Educación para a Paz, suxire, nesta ocasión, reflexionar, debater, traballar sobre "A aprendizaxe da democracia na escola", sobre un texto magnífico de José Tuvilla, con distintos recursos e materiais que podedes baixar da web: www.sgep.org.
Aquí vos deixamos tamén unha escolma de Contos para a Paz. Premede na imaxe para velos en grande.
Subscribirse a:
Publicacións (Atom)