Lectura e familias: obradoiro de libro obxecto con Pablo Otero de bibliotecacpivirxedacela
Benvido ao blog da Biblioteca Castelao onde esperamos compartir contigo experiencias arredor da lectura.
21/04/25
Animalario Imaxinario
O alumnado de 2º de EP estivo aprendendo sobre os animais e, baseándose no libro "El animalario universal del profesor Revillod" que temos na biblioteca, imaxinaron as súas propias criaturas. Mesturaron e debuxaron troncos, cabezas e extremidades de diferentes texturas que foron recollendo usando a técnica do frottage dende a sola dos zapatos ata as cortizas das árbores. Velaí o resultado de anfibios acuáticos omnívoros e mamíferos terrestres ovovivíparos (entre outros!). Para animar as ilustracións usamos a páxina Animated Drawing.
04/04/25
01/04/25
Pioneiras
Con motivo do Día da Muller, o 8 de marzo, o alumnado de 2º de EP, leu o libro de Pioneiras da Editorial Xerais. A partir dos textos fixeron os seus propios resumos das biografías de mulleres galegas que marcaron a historia e ilustraron bolsas de tea con códigos QR aos seus textos. Así de ben quedaron!
18/03/25
Reunión do club de lectura: infografía sobre as tecnoloxías.
Ola! Os nenos e nenas que lemos "Wombo Combo" fixemos entre todos/as esta infografía sobre as tecnoloxías por se vos pode servir de axuda. Chegamos a unha conclusión: O problemas somos nós, non as máquinas.
17/03/25
Creando novas personaxes para "As terapias da Doutora Ledicia".
Nesta nova sesión do club de lectura "Mundo de letras" creamos novas personaxes para acudir á consulta da Doutora Ledicia: o tardo, a serea Maruxaina ou a Santa Compaña poderían ser facilmente doentes que acudiran a probar os seus remedios baseados na risa e no canto. Para coñecer novos mitos galegos utilizamos o "Dicionario dos seres míticos galegos" que tivemos que localizar nas estanterías para o que aproveitamos a facer unha sinxela formación de usuarias.
.jpg)
08/03/25
Tarefas de búsqueda de información
O alumnado de 2º de EP elaborou un mapa interactivo no que recompilou a información do patrimonio material e inmaterial que os rodea grazas a axuda das familias, a aplicación de Google "My maps" e a outra información que atopou na rede. Trátase dunha actividade de busca de información na que traballaron con diferentes fontes e na que tiveron que seleccionar, resumir, buscar... e outras destrezas propias da competencia informacional e dixital. Picando na imaxe accederedes ao resultado! Nos globos laranxa tedes os traballos do alumnado e nos azuis so a localización dos lugares de interese.
.jpg)
Subscribirse a:
Publicacións (Atom)